Bu ilin əvvəlindən Kiyevdə qızılca xəstəliyindən ilk ölüm faktı qeydə alınıb
- 2019.02.18 23:04
- 4393 Baxış
Bu ilin əvvəlindən Ukraynanın paytaxtı Kiyevdə qızılca xəstəliyindən ilk ölüm faktı qeydə alınıb.
Medicina.az AZƏRTAC-a istinadən xəbər verir ki, bu barədə keçirdiyi mətbuat konfransında Ukraynanın baş infeksionisti Olqa Qolubovskaya məlumat verib. Onun sözlərinə görə, Kiyevdə 57 yaşlı qadın qızılca xəstəliyindən ölüb.
Qeyd edək ki, 2019-cu ilin əvvəlindən Ukraynada qızılca xəstəliyindən 8 nəfər ölüb, onlardan ikisi uşaqdır.
Təkcə yanvar ayında Ukraynada 15 mindən artıq insan qızılcaya tutulub. Ən çox qızılca xəstəliyi tutan bölgə Ukraynanın qərbidir.
2017-ci ildən qızılca xəstəliyi yayılandan bəri Ukraynada 28 nəfər bu xəstəlikdən ölüb, onlardan 17-si uşaqdır.
Xatırladaq ki, 2018-ci ildə 54481 nəfər qızılca xəstəliyinə tutulub. Bunlardan 20204-ü böyük, 34277-si isə uşaqdır. Hesabat dövründə qızılca xəstəliyindən 16 nəfər həyatını itirib.
Ən Çox Oxunanlar
Yeni Xəbərlər
