Biri 80 manata satılan alçalar zəhərlidir - EKSPERTDƏN SOS
- 2018.03.12 15:04
- 19018 Baxış
Mövsümdən sui istifadə olunub baha qiymətə satılan meyvələr-xüsusən alça yetərincə təhlükəlidir. Alçanın dənəsinin səksən manata satıldığını da görmüşük. Ancaq əminliklə deyə bilərəm ki, əhali belə malları almaqdan kənar olmalıdır".
Medicina.az "Ölkə.Az"-a istinadən bildirir ki, bu sözləri Azad İstehlakçılar Birliyinin (AİB) sədri Eyyub Hüseynov bəzi meyvələrin mövsümündən öncə satışa çıxarılmasına münasibət bildirərkən səsləndirib. Birlik sədri qeyd edib ki, hətta yay aylarında bəzi meyvə-tərəvəzlərdə nitiritlərin miqdarı normadan artıq olur:
"Bu yaxınlarda Qida Təhlükəsizliyi Agentliyinin əməkdaşlarıyla canlı efirdə olan zaman dedim ki, yayda bu qurumun işlərini monitorinq edəcəyəm. Artıq dördüncü ildir ki, qarpız, yemiş kimi mövsümü bitkiləri bizdə olan xüsusi cihazla monitorinq edirəm. Nitiritlərin miqdarı normadan 2-3 dəfə çoxdur. Düşünürəm ki, sözügedən agentlik bu problemin öhdəsindən gəlməlidir. Əlbəttə, genetik modifikasiya olunmuş bitkilərin də yetişdirilməsi və yayılması mövcuddur.
Baxmayaraq ki, dövlətin qanunlarına görə bunlar qadağandır. Hətta vaxtında yetişdirilən meyvə-tərəvəzdə də belə problem var".
Qeyd edək ki, bu mövsümdə bəzi meyvələr, xüsusən alça çox baha qiymətə satılır. Bəzi supermarketlərdə bu meyvənin kiloqramı alıcılara 500-700 manata təklif edilir.
Ən Çox Oxunanlar
Yeni Xəbərlər
