"Ölkədə İnteqrativ Təbabəti inkişaf etdirməliyik...” - Klinika rəhbəri ilə MÜSAHİBƏ
- 2019.09.25 18:15
- 49316 Baxış
Bu gün dünyanın inkişaf etmiş bir çox ölkələrində özünə böyük inam və etibar qazanmış İnteqrativ Təbabət artıq Azərbaycanda da özünü təsdiqləməkdədir. Dünya səhiyyəsinin son nailiyyətlərindən olan İnteqrativ Təbabət – in respublikamızda ilk tətbiqini isə özəl sektor həyata keçirib.
Azərbaycanda İnteqrativ Təbabət-in inkişafı iş adamı, "Planeta” şirkətlər qrupunun rəhbəri Elxan Yaqubovun adı ilə bağlıdır. Bu ad həm respublikamızda, həm də bir sıra xarici ölkələrdə çoxlarına tanışdır. Onun ciddi səyləri artıq öz bəhrəsini verməkdədir və inamla demək olar ki, Bakı şəhərindəki İnteqrativ Təbabətin müalicə üsullarını tətbiq edən Bioloji Təbabət Klinikası öz uğurlu nəticələrinə görə dünyada bu istiqamətdə fəaliyyət göstərən klinikalardan heç də geri qalmır.
Dünya standartlarına cavab verən müasir müayinə və müalicə aparatları, avtomatlaşdırılmış laboratoriya və digər tibb avadanlıqları ilə təchiz edilmiş Klinikanın bu gün bölgələrdə - Sumqayıt şəhərində, Göyçay və Masallı rayonlarında da filialları fəaliyyət göstərir. Həmin klinikalarda da Avropanın aparıcı universitetlərində təhsil almış həkim- personalı çalışır; peşəkar mütəxəssislər və münasib qiymətlər bura müraciət edənlərə keyfiyyətli xidmət göstərmək prinsipinə əsaslanıb...
Elxan Yaqubov medicina.az əməkdaşı ilə söhbətində demişdir:
" Bioloji varlıq olan insan bioloji müalicə də almalıdır. Hippokratın belə bir sözü var: "Xəstəliyi müalicə edən həkimdirsə, onu sağaldan təbiətdir”. Yəni xəstəliklərin müalicəsi təbii, bioloji təsir nəticəsində baş verir.
BTsT-nin vətəni ALMANİYADIR
İnteqrativ Təbabətin ən geniş yayılmış sahələrindən biri Bioloji Tənzimləyici sistemli Təbabətdir (BTsT). BTsT -nin vətəni Almaniyadır. Lakin 50 ildən artıqdır ki, tək Almaniyada deyil, Avropanın bir çox ölkələrində, Amerikada, Braziliyada, Kolumbiyada, hətta, Afrika ölkələrinin bəzisində həkimlər biotənzimləyici terapiya üsullarından istifadə edirlər. Keçən əsrin 90-cı illərindən etibarən isə bu təbabətin müalicə üsulları Rusiya, Ukrayna, Qazaxıstan və Baltikyanı ölkələrdə tətbiq olunur.
Bunu nəzərə alaraq biz Almaniyanın Heel firmasına müraciət edib, onlarla müqavilə bağladıq ki, orada olan Bioloji Təbabət və Biotənzimləyici Təbabət Cəmiyyəti ilə yaxından tanış olaq, onların gördüyü işləri öyrənək. Onlar da məsləhət gördülər ki, əgər siz də Biotənzimləyici Terapiyanı Azərbaycanda yaysanız, bunun insanların sağlamlığına böyük xeyiri ola bilər. Beləliklə, 2009- cu ildə Bioloji Təbabət Klinikasının əsasını qoyduq.
Klinikanın tibbi avadanlıqlarına da biz birdən-birə sahib olmamışıq. Bu avadanlıqlara görə mən dəfələrlə xarici ölkələrə getmişəm. Hər bir tibb aparatının iş prinsipini öyrənmək üçün mütəxəssislər dəvət eləmişik və s. Bir sözlə, dünya səhiyyə sistemində tətbiq olunan ən müasir, ən güclü, ən effektli diaqnostik aparatların axtarışında olmuşuq, onları klinikamıza gətirmişik. Məsələn, bizdə elə müayinə üsulları var ki, qulağın məməciyindən götürülən bir damla qanı qaranlıq sahəli mikroskopda analiz etməklə orqanizmdəki gizli qalan bir çox xəstəlik haqda məlumat ala bilirik. Hansı ki, bu məlumatları heç bir başqa laboratoriyada əldə etmək olmur.
Azərbaycanda 2001-ci ilə qədər Bioloji Tənzimləyici sistemli Təbabət üzrə mütəxəssis yox idi. 2001-ci ildən başlayaraq Almaniyadan BTsT üzrə mütəxəssisləri Azərbaycana dəvət edərək seminar, konfrans, kurslar təşkil etdik, 2001-ci ildən 2009-cu ilə qədər BTsT ilə müalicə edən həkimlər hazırladıq. 2009-cu ildə Azərbaycanda ilk dəfə olaraq Bioloji Təbabət Klinikasını açdıq. Qeyd edim ki, bu tək Azərbaycanda deyil, ona qonşu olan dövlətlərdə də ilk idi. Biz klinika yaranan gündən etibarən dünyanın məşhur həkimlərini Azərbaycana dəvət etdik, burada pulsuz seminarlar, kurslar təşkil etdik və bu tədbirlərdə iştirak edən azərbaycanlı həkimlər Bioloji Tənzimləyici sistemli Təbabət ilə müalicə yollarını öyrənməyə başladılar.
Bu gün də həmin ənənəni davam etdiririk. Bu günə qədər həmin seminarlarda respublikamızın müxtəlif bölgələrindən olan 9000-dən çox həkim iştirak edib. 92 saatlıq bütöv kursu isə 5000-dən çox həkim bitirib və sertikifat alıb. Artıq onlar Bioloji Tənzimləyici sistemli Təbabət ilə müalicə etməyi bacarırlar. Biz belə seminarları Almaniyadan, İsveçrədən, habelə, başqa xarici ölkələrdən dəvət etdiyimiz yüksək ixtisaslı həkimlərlə təkcə Bakıda deyil, Azərbaycanın bir çox bölgələrində, o cümlədən, Gəncə, Mingəçevir, Göyçay, Bərdə, Sumqayıt, Naxçıvanda da təşkil etmişik. Sonra da biz bölgələrdə BiolojiTəbabət Klinikasının filiallarını yaratdıq.
Bioloji Tənzimləyici sistemli Təbabətdə istifadə olunan preparatlar Almaniyanın əczaçılıq zavodlarında xüsusi texnologiyalar əsasında hazırlanır və həm kəskin, həm də xroniki xəstəliklərin müalicəsində istifadə edilir. Bu preparatların, demək olar ki, əlavə təsiri olmur. Yəni müalicə zamanı qaraciyərə, böyrəklərə və s. orqanlara heç bir zərər dəymir. Hazırda dünyada müalicəsi çətin olan bir sıra xəstəlik var ki, (qırmızı qurdeşənəyi, psoriaz, fəqərəarası disk yırtığı, skolioz, dağınıq skleroz, poliartrit, artroz, osteoxondroz və s.) bunları biotənzimləyici preparatların köməyi ilə müalicə etmək mümkündür.
Çalışırıq, həmvətənlərimiz böyük pullar xərcləyib xarici ölkələrə üz tutmasınlar
İnsan üçün ən qiymətli olan sağlamlıqdır. Onunla bağlı bir problem hiss etdikdə nə qədər həkimə tez müraciət etsək, bir o qədər müsbət nəticəsi olar. Təəssüf ki, coxları buna əməl eləmir, həkimə gec müraciət edir. Bu hal xüsusilə xalqımız üçün xarakterikdir. Məsələn, əksər insanlar ağrılara, tutaq ki, bel, kürək, boyun, yaxud da baş ağrılarına ciddi yanaşmır. Lakin unutmaq olmaz ki, əgər bədəndə davamlı ağrılar varsa və bu ağrılar həyat fəaliyyətinə mane olursa, mütləq həkimə müraciət olunmalıdır. Ağrılar, belə desək, orqanizmin həyəcan təbilidir. O, bədənin hansısa hissəsində problemin yaranması ilə bağlı sizə xəbərdarlıq edir.
Bioloji Təbabət Klinikasını məhz xalqımıza keyfiyyətli tibbi xidmət göstərmək üçün yaratmışıq. Əlimizdən gələni edirik, çalışırıq İnteqrativ Təbabəti Azərbaycanda inkişaf etdirək ki, həmvətənlərimiz, müalicəsi çətin olan bir sıra xəstəliklərə görə böyük pullar xərcləyib xarici ölkələrə üz tutmasınlar. Bizə müraciət etsinlər və şəfa tapsınlar ".
Bəli, dəqiq diaqnostika, xəstəliklərin müalicəsində uğurlu nəticələr, orqanizmə vahid sistem kimi yanaşaraq zərərsiz, tam təbii üsullarla xəstəliyi aradan qaldırmaq Bioloji Təbabət Klinikasının məqsəd və məramıdır. Bioloji Təbabət Klinikasına müraciət edənlər onun ecazkar müalicə üsullarından həm şəfa tapır, həm də burada çalışanlardan, xidmətin səviyyəsindən razılıq edirlər.
Ünvan: Baki ş. , 3-cü mkr. , Pişəvəri küçəsi-110 ( Əcəmi metrosunun yanı) .
Tel: (012 ), (050), (055), (070) 430 89 89.
www.btk.az
Ən Çox Oxunanlar
Yeni Xəbərlər
