Səhiyyə naziri Oqtay Şirəliyev Yardımlıda vətəndaşları qəbul edib (FOTO)

  • 03 İyul, 2019
  • 2363 Baxış
Səhiyyə naziri Oqtay Şirəliyev Yardımlıda vətəndaşları qəbul edib (FOTO)


Azərbaycan Respublikasının Prezidenti İlham Əliyevin tapşırıq və tövsiyələrinə əsasən dövlət orqanlarının rəhbərləri bölgələrdə vətəndaşların qəbulunu davam etdirir.
 
Qəbul zamanı vətəndaşların müxtəlif məsələlərlə bağlı müraciətlərinin, ərizə və şikayətlərinin müsbət həll istiqamətində tədbirlər görülür.
Səhiyyə naziri Oqtay Şirəliyev qəbul cədvəlinə uyğun olaraq Yardımlı Rayon Mərkəzi Xəstəxanasında Masallı və Yardımlı rayon sakinlərini qəbul edib.

Bu barədə medicina.az-a Səhiyyə Nazirliyi Mətbuat Xidmətindən məlumat verilib. Vətəndaşların sağlamlıq problemləri, işlə təminat və s. məsələlərlə bağlı müraciətləri dinlənilib.  Vətəndaşların müraciətində qaldırılan məsələlər nazirliyin müvafiq qurumlarının əməkdaşlarının iştirakı ilə araşdırılıb, onların bəziləri yerində həllini tapıb.
 
Nazirliyin səlahiyyətlərinə aid olmayan məsələlər aidiyyəti üzrə çatdırılması üçün qeydiyyata alınaraq nəzarətə götürülüb.