ÜST-ün təşkilatçılığı ilə paytaxtda seminar keçirilib

  • 12 İyul, 2019
  • 586 Baxış
ÜST-ün təşkilatçılığı ilə  paytaxtda seminar keçirilib
Bakıda Dünya Səhiyyə Təşkilatının təşkilatçılığı ilə "Fövqəladə hallarda risklərin kommunikasiyası üçün potensialın artırılması” mövzusunda seminar keçirilib.

Səhiyyə Nazirliyinin mətbuat xidmətindən Medicina.az-a bildirilib ki, seminarda müxtəlif nazirlik, komitə və beynəlxalq təşkilatların nümayəndələri iştirak edib.

Seminarın keçirilməsindən məqsəd milli mütəxəssislərin kommunikasiyada risklərlə bağlı maarifləndirilmə, ictimaiyyətin cəlb edilmə yolları, dövlət orqanlarına və respondentlərə olan inamın artırılması kimi mövzularda məlumatlandırmaqla tərəfdaşların fövqəladə hallar zamanı qərarların qəbul edilməsinə dair təcrübə və bacarıqlarını inkişaf etdirməkdir.