Dırnaq batmasının səbəbləri: ayaqlarımızı necə qoruyaq?
- 2019.05.13 10:53
- 17829 Baxış
Dırnağın ətə batması bir çox insanda müşahidə edilir. Narahatlıq yaradan vəziyyətin bir neçə səbəbi var: dırnaq kəsmə qaydasına düzgün əməl etməmək və ayaqqabı sıxması.
Medicina.az mövzu ilə bağlı beyninizdə yaranan bütün sualları cavablayacaq yazını təqdim edir.
Dırnağın dərinin içərisinə doğru batması və ya dərinin dırnağın üstünü örtəcək qədər boyüməsi dırnaq batması adlanır. Buna bir çox fərqli nüanslar səbəb ola bilər. Düzgün edilməmiş pedikür, dırnaq kəsimi, dar ayaqqabılar, corablar və s.
Dırnaq batması zamanı dərinin üstü qızarır, şişmiş olur və ağrıyır. Adətən dırnaq batması ayağın baş barmağında olur. Bu, bütün yaş qrupu adamlarda rast gəlinən problemdir. Dırnaq batması zamanı ayaqdakı ağrını azaltmaq üçün ayağı isti su ilə vanna edib dırnağın üstündən altına doğru tənziflə bağlamaq lazımdır. Yox əgər dırnağın ətrafında qızartı varsa, mütləq həkimə müraciət etmək lazımdır. Qızartı infeksiya səbəbindən olur, vaxtında həkimə müraciət olunmasa, xəstə dırnağını itirə bilər.
Dırnağın dəriyə batmasına səbəb xəstənin hələ körpə vaxtından dırnaqlarının düzgün tutulmasıdır.
Dırnaq batması bəzən genetik də ola bilir. Bəzi ailələrdə az qala bütün üzvlərdə bu vəziyyət müşahidə olunur. Şiddətli ağrı və yaxud şişlik kimi əlamətləri görsəniz, mütləq həkimə müraciət edin. Çünki iltihablanma baş verə bilər.
Hamiləlik ərəfəsində də dırnaq batması qeydə alınır. Buna səbəb hormonal dəyişiklikdir. Əgər genetikada belə bir meyillilik varsa, hamiləllik dönəmində əksərən bu baş verir.
Ən Çox Oxunanlar
Yeni Xəbərlər
