25 dəqiqə dayanmış ürəyi bərpa edib, kişini xilas etdilər – Yeni aparatla

  • 11 Sentyabr, 2019
  • 3443 Baxış
25 dəqiqə dayanmış ürəyi bərpa edib, kişini xilas etdilər – Yeni aparatla

Rusiyanın Saxalin əyalətinin kliniki xəstəxanasında həkimlər yarım saata qədər ürəyi dayanmış kişinin ürəyini işə salmağı bacarıblar.

Medicina.az xəbər verir ki, ürəyin xarici kardiomasajor ilə stimulyasiyası uğurlu nəticələnib. Həyata qaytarılan pasiyent bir müddət reanimasiyada qaldıqdan sonra, kardiologiya şöbəsinə köçürülüb.

Qeyd edək ki, həkimlərə bu möcüzəyə imza atmaqda reanimasiya şöbəsinə yeni gətirilən 2 portativ sistem yardım edib.  10 gün ərzində bu aparatla reanimatoloqlar 3 ağır xəstəni ölümdən xilas edib. 

Bu aparatların sayının artırılması nəzərdə tutulur.