Nazir müşaviri: “Saxta həkimlik dərəcələri alırlar”
- 2019.05.30 13:42
- 8657 Baxış
Medicina.az Azvision.az-a istinadən xəbər verir ki, bunu Təhsil Nazirliyinin Akkreditasiya və Nostrifikasiya İdarəsinin rəisi vəzifəsini icra edən, təhsil nazirinin müşaviri Həsən Həsənli deyib.
Nazirlik rəsmisi bildirib ki, söhbət saxta sənədlərdən, keyfiyyətli təhsil almaqdan yox, bərabər və ədalətli rəqabətin dəstəklənməsindən gedir:
"Çünki bəzən o halların şahidi oluruq ki, bəzilərinin ölkədən çıxmadan həkimlik dərəcələri alınır, yaxud 4 il təhsil aldığı ölkənin dilini bilmir. Təbii ki, belə şəxslərin sənədləri saxtadır. Gələcək həkimlər, müəllimlər, mühəndislər sağlam və keyfiyyətli iqtisadiyyatın formalaşmasında xüsusi rol oynamalıdır. Əmin olmaq lazımdır ki, bu işlərdə bərabərlik prinsiplərinə ciddi əməl olunur".
H.Həsənli qeyd edib ki, bu gün ictimaiyyətdə işəgötürən diploma, sertifikata yox, biliyə, bacarığa səriştəyə diqqət göstərir: "Təhsilin əl çatımlığı ilə yanaşı, keyfiyyətə də diqqət etməliyik. Valideynlər və gənclər diqqətli olmalıdır ki, təhsil aldıqları müəssisənin diplomları həmin ölkədə tanınırmı?!".
Ən Çox Oxunanlar
Yeni Xəbərlər
