Sabiq MTN naziri insult keçirib, ağır xəstədir

  • 22 İyun, 2019
  • 11508 Baxış
Sabiq MTN naziri insult keçirib, ağır xəstədir
Sabiq Milli təhlükəsizlik naziri Namiq Abbasov insult keçirib.

Medicina.az modern.az-a istinadən xəbər verir ki, nazirin ailə üzvləri bildirib ki,  son vaxtlar səhhətində ciddi problem yaranmış və insult keçirmiş sabiq nazir hazırda özünü piss hiss etdiyindən danışa bilmir. Hətta onun hazırda mobil telefon işlətmədiyi qeyd edilib.

Qeyd edək ki, 79 yaşlı Namiq Abbasov 1995-ci ilin mart ayından 2004-cü ilin iyul ayınadək Azərbaycan Respublikasının milli təhlükəsizlik naziri vəzifəsində işləyib, general-polkovnik hərbi rütbəsinə qədər yüksəlib.

Nazir postundan azad edildikdən sonra 2004-cü ilin 16 dekabr tarixindən 2012-ci il oktyabrın 31-nə kimi Azərbaycanın Özbəkistan Respublikasında fövqəladə və səlahiyyətli səfiri postunda çalışıb. Səfir vəzifəsini tərk etdikdən sonra təqaüdə çıxıb..