Beyin anevrizması olan 66 yaşlı qadın müalicə edilib
Beyin anevrizması olan 66 yaşlı qadın müalicə edilib
2019.07.18 08:43
3789 Baxış
Beyin anevrizmaları olduqca təhlükəli patologiyadır. Fəsadlaşması zamanı xəstələrin 15 faizinin həyatına son qoyur. Həmin patologiya ilə üzləşib yaşayanların 50 faizi isə həyatını müxtəlif dərəcəli nevroloji qüsurlarla davam etdirir. Həcmindən və yerləşməsindən asılı olmayaraq, hər bir anevrizma təhlükə mənbəyi ola bilər.
Respublika Müalicəvi Diaqnostika Mərkəzinə müraciət edən 66 yaşlı qadının sol orta beyin arteriyası bifurkasiyasında 7,5 mm ölçüsündə anevrizma aşkar edilib.
Mərkəzin mətbuat xidmətindən medicina.az-a verilən məlumata görə, neyrocərrah Azər Əkbərov xəstə üzərində açıq əməliyyat aparıb. Əməliyyatdan sonra heç bir ağırlaşma baş verməyib və ümidsiz vəziyyətdə olan xəstə müalicə edilib.
