39 təcili yardım briqadası ayrıldı

  • 16 May, 2019
  • 4136 Baxış
39 təcili yardım briqadası ayrıldı


UEFA Avropa Liqasının final oyunu ilə bağlı 39 təcili tibbi yardım briqadası ayrılıb.


Medicina.az ONA-ya istinadən xəbər verir ki, bu barədə Bakı Şəhər Təcilli və Təxirəsalınmaz Tibbi Yardım Stansiyasının baş həkimi Rauf Nağıyev məlumat verib.

Baş həkim bildirib ki, 10 təcili tibbi yardım briqadası ehtiyatda qalacaq: "Yerdə qalan digər təcili tibbi yardım briqadaları qonaqların yaşadıqları ərazilərdə, məşqlərin keçirilmə zonasında və bilavasitə Bakı Olimpiya Stadionunda fəaliyyət göstərəcəklər”.

R. Nağıyev Avropa Liqasının finalı ilə bağlı mayın 25-dən etibarən təcili tibbi yardım xidmətinin gücləndirilmiş rejimdə çalışacağını da vurğulayıb.

Xatırladaq ki, mayın 29-da Bakı Olimpiya Stadionunda UEFA Avropa Liqasının finalında İngiltərənin "Çelsi" və "Arsenal" futbol klubları qarşılaşacaqlar.