Hamilələrə bu qidalar olmaz - Körpənin inkişafına mənfi təsir göstərir
- 2025.08.02 10:39
- 212 Baxış
Hamiləlik həm ananın, həm də körpənin sağlamlığının qorunmalı olduğu bir dövrdür. Sağlamlıq üçün təhlükə yaratdığı üçün bu dövrdə bəzi qidalardan uzaq durmaq lazımdır.
Medicina.az xəbər verir ki, gələcək ananın etdiyi hər hansı qidalanma səhvləri həm öz sağlamlığını, həm də körpənin inkişafını təhlükə altına qoya bilər.
Bəzi qidalar tərkibindəki mikroorqanizmlər, toksinlər və ya zərərli kimyəvi maddələr səbəbindən həm ana, həm də körpə üçün ciddi sağlamlıq riskləri yarada bilər.
Mütəxəssislər hamiləlik dövründə müəyyən qidalardan uzaq durmağı məsləhət görürlər.
Bu tövsiyələrə əməl etmək vaxtından əvvəl doğuş, düşmə, infeksiyalar kimi risklərin qarşısının alınmasında mühüm rol oynayır.
1. Çiy, az bişmiş ət və dəniz məhsulları
Çiy və ya az bişmiş ət və dəniz məhsullarında zərərli mikroorqanizmlərin ötürülməsi riski yüksəkdir.
Bu infeksiyalar düşməyə, vaxtından əvvəl doğuşa, beyin və orqanlara zərər verə bilər. Suşi kimi dəniz məhsullarından qaçınmaq lazımdır.
2. Pasterizə edilməmiş süd və süd məhsulları
Hamiləlik dövründə pasterizə edilməmiş süd və süd məhsulları tövsiyə edilmir.
3. Emal edilmiş ət məhsulları və kolbasa
Tərkibində yüksək duz, nitrit və əlavələr olan işlənmiş ət məhsulları hamiləlik dövründə ehtiyatla yeyilməlidir. Əgər yeyilərsə, yaxşı bişdiklərinə əmin olun.
4. Yüksək kofein qəbulu
Gündəlik 200 mq-dan çox kofein qəbulu düşmə və vaxtından əvvəl doğuş riskini artıra bilər. Qəhvə, çay, kola və enerji içkilərindəki kofeinin miqdarına diqqət yetirin. Kofein qəbulu məhdudlaşdırılmalı və mümkünsə azaldılmalıdır.
5. Çiy yumurta
Çiy yumurtada rast gəlinən Salmonella bakteriyası hamiləlik zamanı ciddi infeksiya riski yaradır. Mayonez, evdə hazırlanmış desertlər və ya souslarda istifadə edilən xam yumurta olan məhsullardan qaçınmaq lazımdır.
6. Alkoqol
Hamiləlik dövründə spirt qəbulu qəti qadağandır. Alkoqol fetusun beyin inkişafına mane olur və anadangəlmə anomaliyalara və böyümə geriliyinə səbəb ola bilər.
7. Həddindən artıq çox duz və şəkər
Həddindən artıq duz qəbulu hamiləlik dövründə yüksək təzyiqə səbəb ola bilər. Həddindən artıq şəkər şəkərli diabet riskini artırır. Hər ikisini orta və ölçülü qəbul etmək lazımdır.
Aygün
Medicina.az
Ən Çox Oxunanlar
Yeni Xəbərlər
