Vaginoplastika sağlamlığa zərərlidirmi? - ARAŞDIRMA

  • 23 Oktyabr, 2019
  • 5170 Baxış
Vaginoplastika sağlamlığa zərərlidirmi? - ARAŞDIRMA

Mütəxəssislər, qadınların vaginalarını yenidən formalaşdırmaq və daraltmaq üçün etdirdikləri vaginal gəncləşdirmə əməliyyatlarının sağlamlığa ciddi şəkildə təhlükə yaratdığı barədə xəbərdarlıq ediblər.

 

Medicina.az xəbər verir ki, doğum zamanı vagina və onun ətraf toxuması genişlənir. Doğum sonrası vagina daha normal bir vəziyyətə qayıdır, lakin heç bir vaxt doğumdan əvvəlki vəziyyətə qayıtmır.Doğum sayları artdıqca vaginadakı genişlənmə daha da artır.Vaginal genişlənmə ilə yanaşı vagina divarının selikli qişasının sallanması olur.Belə qadınlarda cinsi hissin azalması və cinsi həzzin zəifləməsi olur. Həmçinin cinsi yaxınlıq zamanı əks cinsində də problemlərin yaranmasına səbəb olur. Vaginoplastika əməliyyatı ilə vagina və vaginanın ətraf toxumanın daraldılması və doğumdan əvvəlkı vəziyyətin əldə olunmasına nail olunur.

 

Amerikalı və britaniyalı mütəxəssislər, bəzi klinikalardakı "kosmetik müalicənin" yanıq, yara və təkrarlanan ağrılara səbəb ola biləcəyini söyləyirlər.

Vaginanı yenidən formalaşdırmaq əməliyyatı lazerlə vaginal toxumanın isidilməsi və sıxlaşdırılması yolu ilə həyata keçirilir. Qeyri-cərrahi üsul, qısa müddətli bir əməliyyat olsa da səlahiyyətli nümayəndələr bunun çox da etibarlı olmadığını ifadə edirlər.


Lazer və enerji əsaslı vasitələr uşaqlıq yolunda və ya vaginal toxumalardakı xərcəng önü hüceyrələrin, genital ziyillərin məhvində istifadə edilməsi üçün təsdiqlənmişdi. Amma bu vasitələr gəncləşdirmə üsullarında da istifadə edilir.


Bir çox klinikalar vaginal gəncləşdirmənin menopauza ilə bağlı narahatlıqlara, sidik qaçırmağa və ya cinsi narahatlıqlara yaxşı təsir etdiyini iddia edirlər.

"Bu məhsulların çox böyük riskləri var və məqsədlərinə çatdıqlarını dəstəkləyən kifayət qədər fakt yoxdur. Qadınların zərər gördüyünə dair ciddi narahatlıqlarımız var".

 

 

 

Gəncləşdirmə əvəzinə məşq tövsiyyəsi


Britaniyalı  cərrah Paul.B də bu mövzuda narahatdır:

"Qadın sağlamlığına və qadınların cinsi sağlamlıqlarına artan bir maraq var. Bunun təşviq edilməsi, amma hər cür təlim və müalicə üsullarının şişirdilmiş, aldadıcı yollardan uzaq, həssas bir şəkildə təqdim olunması lazımdır."

 

Birləşmiş Krallıq Qadın Xəstəlikləri və Doğuş Mütəxəssisləri Birliyindən Dr. Vanessa Mackay "Əməliyyatsız vaginal gəncləşdirmə" vasitələrinin vaginal əzələləri gücləndirdiyinə və ya vaginal toxumanı yenidən formalaşdırdığına dair bir fakt yoxdur", deyərək əlavə edib:

 

"Qadınlar vaginaların görünüşündən və ya qoxusundan narahatdırlarsa bir səhiyyə nümayəndəsinə müraciət etməlidirlər. Amma hər qadın vaginasının bir-birindən fərqli olduğunu unutmamaq lazımdır. Vagina dodaqları (labia) həm görünüş, həm də rəng olaraq qadınlar kimi fərdi və özünə məxsusdur".

"Vagina ətrafındakı əzələlərin sıxlaşması üçün qadınlar döşəmədə çanaq sümükləri çevrəsini gücləndirəcək məşqlər (pelvik məşqləri) edə bilərlər. Bu, əzələlərin inkişafını təmin edir və cinsi münasibət zamanı həssaslığı gücləndirir".


Vagina quruluğu da hər qadının həyatının bir nöqtəsində qarşılaşdığı geniş, amma çarəsi olan bir narahatlıqdır. Bunun menopauza, əmizdirmə, doğuş, cinsi əlaqədən əvvəl təhrik olmamaq və bəzi doğuş nəzarəti üsulları daxil bir çox səbəbi ola bilər. Qadınlara vaginal quruluqla bağlı bir həkimə müraciət etməzdən əvvəl, vaginal nəmləndirici və özünün də edə biləcəyi sürüşkənlik yaradan üsulları sınaqdan keçirməsi tövsiyyə edilir.