Goranboyda bir ailənin 3 üzvü dəm qazından zəhərlənib.
Medicina.az Unikal.org-a istinadən xəbər verir ki, hadisə Qarasüleymanlı kəndində baş verib.
Belə ki ata, ana və övladı - 1994-cü il təvəllüdlü Nurcan Çapay qızı Yəhyayeva, 1989-cü il təvəllüdlü Misir Bəhruz oğlu Yəhyayev və 2014-cü il təvəllüdlü Elcan Misir oğlu Yəhyayev kənddə yaşadıqları evdə dəm qazından zəhərlənərək xəstəxanaya çatdırılıb.
Qeyd edək ki, təxminən eyni saatlarda rayonun daha bir kəndində oxşar hadisə baş verib. 1990-cü il təvəllüdlü Qarbucaq kənd sakini İbrahimova Lamiyə Şamil qızı da dəm qazından zəhərlənərək xəstəxanaya yerləşdirilib.
Faktla bağlı araşdırma aparılır.