Erkən menopauza yüksək təzyiq riskini artırır
- 2026.07.29 16:54
- 330 Baxış
40 yaşdan əvvəl menopauza keçirən qadınlarda yüksək qan təzyiqi inkişaf riski daha yüksək olur.
Medicina.az xəbər verir ki, alimlər 107 mindən çox qadının məlumatlarını araşdıraraq erkən menopauza yaşayan qadınlarda hipertoniya riski 45 yaşdan sonra menopauzaya girən qadınlarla müqayisədə əhəmiyyətli dərəcədə çox olduğunu müəyyən ediblər.
Tədqiqat zamanı menopauzanı 40 yaşdan əvvəl keçirən qadınların 22,6 faizində yüksək təzyiq aşkarlanıb. Normal yaşda menopauzaya daxil olan qadınlarda isə bu göstərici 16,6 faiz olub.
Mütəxəssislər bildirirlər ki, erkən menopauza ürək-damar xəstəlikləri üçün əlavə risk faktoru kimi qiymətləndirilməli və bu qrup qadınlarda qan təzyiqi mütəmadi yoxlanılmalıdır.
Araşdırma müəllifləri qeyd edirlər ki, vaxtında tibbi nəzarət və fərdi yanaşma uzunmüddətli sağlamlıq risklərini azaltmağa kömək edə bilər.
Xanım,
Medicina.az
Ən Çox Oxunanlar
Yeni Xəbərlər
