Evdə qızdırmanı necə azaltmaq olar?
- 2026.07.22 18:45
- 89 Baxış
Qızdırma özü xəstəlik deyil, orqanizmdə gedən infeksiyanın əlamətidir. Soyuqdəymə, qrip və ya COVID-19 kimi xəstəliklər zamanı bədən mikroblarla mübarizə aparmaq üçün temperaturu yüksəldir.
Medicina.az xəbər verir ki, həkimlər qızdırma zamanı əsas məqsədin narahatlığı azaltmaq olduğunu bildirib:
Bol maye qəbul edin – su, durulaşdırılmış şirə və isti çay susuzlaşmanın qarşısını alır.
Sərin kompresdən istifadə edin – alın, biləklər və baldır nahiyəsinə qoyulan nəm kompres rahatlıq verə bilər.
Dincəlin – bədən infeksiya ilə mübarizə aparmaq üçün daha çox enerji sərf edir.
Lazım olduqda qızdırmasalıcı dərman qəbul edin – parasetamol və ya ibuprofen kimi dərmanlar narahatlığı azalda bilər (təlimata uyğun istifadə edilməlidir).
Qalın geyinməyin – bədənin artıq istiliyi xaric etməsinə imkan verin.
Mütəxəssislər qeyd edir ki, “qızdırmanı tərlə çıxarmaq” üsulu düzgün deyil. Həddindən artıq örtünmək bədən temperaturunu daha da artıra bilər.
Xanım,
Medicina.az
Ən Çox Oxunanlar
Yeni Xəbərlər
