Gürcüstanda bəzi karantin məhdudiyyətləri - Ləğv edilir

  • 05 Okt 2021 17:12
  • 233 Baxış
Gürcüstanda bəzi karantin məhdudiyyətləri    -  Ləğv edilir

Gürcüstanda koronavirusla bağlı tətbiq edilən bir neçə məhdudiyyət aradan qaldırılıb.

Medicina.az xəbər verir ki, bu barədə məlumatı Gürcüstanın Koronavirusla Mübarizə üzrə Dövlət İdarələrarası Koordinasiya Şurasının Operativ Qərargahının rəhbəri Georgi Qibradze açıqlayıb.

Onun sözlərinə görə, restoranlarla bağlı məhdudiyyət sabahdan aradan qaldırılır. Belə ki, restoranlar Tbilisi vaxtı ilə 22:00 əvəzinə 23:00-a kimi fəaliyyət göstərə biləcək.

Bununla yanaşı, Gürcüstanda konsert və festivalların keçirilməsinə qoyulan qadağalar da ləğv edilib. Belə ki, ölkədə epidemioloji vəziyyətlə əlaqədar olaraq kütləvi tədbirlərin keçirilməsi qadağan idi.

Bildirilir ki, Gürcüstanda epidemioloji vəziyyət son günlər yaxşılaşmağa başlayıb və yoluxanların sayı azalmağa doğru gedir.