100 kiloluq qadının altında qalan kişi öldü
- 2026.07.20 10:41
- 483 Baxış
Portuqaliyada 59 yaşlı bir kişi birlikdə yaşadığı qadının üzərinə yıxılması nəticəsində ölüb.
Medicina.az xəbər verir ki, hadisə Portonun Kampanya rayonundakı bir evin yataq otağında baş verib. Bildirilir ki, qadın yataqdan qalxıb yerdəki kişiyə tərəf hərəkət etməyə çalışarkən tarazlığını itirib və birbaşa onun üstünə yıxılıb. Əsl faciə sonradan baş verib.
Təxminən 100 kiloqram çəkidə olan qadın yıxıldıqdan sonra yataqla divar arasında qalıb və təkbaşına qalxa bilməyib. Onun kömək üçün fəryadını eşidən qonşular qapını zorla açıblar və kişini huşsuz vəziyyətdə tapıblar.
Təcili yardım işçiləri uzun müddət ürək-ağciyər reanimasiyası aparıblar, lakin kişi hadisə yerində ölüb. Yerli medianın məlumatına görə, onu qaldırmaq üçün beş nəfər lazım olub. Portuqaliya polisi araşdırmadan sonra hadisəni cinayət deyil, boğulma səbəbindən baş verən təsadüfi ölüm kimi təsnif edib. İstintaq qəsdən hücum və ya qətl hadisəsi ilə bağlı heç bir dəlil tapmayıb. Sosial mediada "Doğrudan da belə bir şey baş verə bilərmi?" və "Çox faciəli, amma tamamilə uğursuz bir qəza" kimi şərhlər paylaşılıb.
Aygün
Medicina.az
Ən Çox Oxunanlar
Yeni Xəbərlər
