Əncir qurusunun 10 faydası – Pəhləvanların qidasının sirri
- 2019.10.05 18:23
- 20678 Baxış
Bakı bağlarını quru əncirsiz təsəvvür etmək olmur. Düzdür, indi əncir özü az qala əlçatmaz olub. Amma əgər hələ də əncir qurusu tapa biliriksə, bu bizim xoşbəxtliyimizdir. Qədimdə səfərə gedənlər, yolçular, pəhləvanlar mütləq torbalarında əncir qurusu götürərdilər. Əncir qurusu insana elə güc verir ki, sanki bir məcməyi plov yemisən.
Əncir qurusu qurudulmuş meyvələrin ən qiymətlisidir. Bir şərtlə ki, təzə əncir düzgün şərtlərlə qurudulsun.
Medicina.az bütün qış boyu gündə 3-4 ədəd əncir qurusu yeməyin səbəblərini təqdim edir:
1.Hemoqlobini artırır
Quru əncirdə yüksək miqdarda dəmir var. Dərmanı əvəz etməsə də uşaqlar, böyüklər, hamilələrdə qan azlığını qısa müddətə normallaşdıra bilir
2.Depressiya və əsəbə qarşı
Əncirdə olan triptofan və B vitamini pxisoemosional vəziyyətə müsbət təsir edir, yuxunu yaxşılaşdırır, stres və depressiyanı aradan qaldırır
3.Hipertoniya ilə mübarizə
Quru meyvələr kaliy-natriy balansını qanda normallaşdırır, damarlara təzyiqi azaldır, bu da yüksək təzyiqi salmağa kömək edir
4.Əzələ -sümük sistemini möhkəmlədir
Quru əncir kalsium və fosforla zəngin olduğundan dayaq-hərəkət sisteminin möhkəmlənməsinə və böyüməsinə səbəb olur, əzələlərin yığılıb-açılmasını da təmin edir. Eləcə də oynaq və sümüklərdən duzları yuyur
5.Dəri və saçları yaxşılaşdırır
Əncir qurusu üz dərisində iltihabı, səpkini aradan qaldırır, qocalmağa qarşıdır, qırışları açır. Saç tökülməsinin qarşısını alır, tük köklərini bərkidir.
6.Qadın hormonlarını tənzimləyir
Əncir qadınlar üçün əsas hormon olan estrogenin sintezini normallaşdırır, reproduktiv fəallığı artırır, sonsuzluqda çox kömək edir.
7.Onkoloji xəstəlik riskini azaldır
Əncir qurusu yumurtalıq, prostat, uşaqlıq, süd vəzi şişlərində çox effektivdir.
Quru əncirdə olan yağ turşuları, enzim və antioksidant təsir toxumaların bəd hüceyrələrdən qoruyur.
8.Həzm sistemini yaxşılaşdırır, qəbizliyə qarşıdır
Əncirdə olan çox miqdar liflər bağırsağı işlədir, divarlarını təmizləyir, qəbizlik və hemorroyda effektivdir. Şlak, toksin və seliyi təmizləyir.İştahı yaxşılaşdırır, kökəldir.
9.Ürəyi qüvvətləndirir
Tərkibində olan turşular və kaliy ürək damarlarını, əzələsini möhkəmlədir, ürək ritmini yaxşılaşdırır, xolesterini azaldır, tromb və infarkta səbəb olur.
10.Bronx, ağciyərləri təmizləyir
Qədimdən güclü öskürəyi olan insana isti süddə quru əncir verərdilər. Quru öskürəyi yumşaldır, bronxları açır, bəlğəmi gətirir.
Diqqət: şəkər xəstələri ehtiyatla və az yeməlidir
Ən Çox Oxunanlar
Yeni Xəbərlər
