İrandan nüvə radiasiyası yayılarsa - İnsan orqanizmini nə gözləyir?
- 2025.06.14 16:43
- 641 Baxış
Əgər hər hansı nüvə başlığına sahib ölkə düyməyə basarsa və nüvə hücUmu olarsa, yaxın uzaq ölkələrin əhalisinI nələr gözləyir? Nüvə silahı orqanizmə necə təsir göstərir? Hansı xəstəliklərə səbəb olur. Bundan qorunmaq mümkündürmü?
Medicina.az nüvə silahı partlayışlarının ətraf mühitə və orqanizmə təsirini araşdırıb.
Nüvə silahı partladığı ölkədən, ərazidən min kilometlərlə radiusda – yəni 4 tərəfə ətraf mühit və orda yaşayan insanlara dağıdıcı təsir edir.
Ona görə bir ölkəyə nüvə hücumu onunla qonşu bütün regiona təsirsiz ötüşmür.
Hətta çok kiçik miqyasda və cəmi 2-3 dəfə atılacaq nüvə raketi regionda yüzlərlə yanğn törədəcək ki, yanğınlardan strotosferə atılan qazlar Günəş işığın blok edib, dünyasının böyük qismində “Qış alatoranlığı” yarada bilər.
Nüvə müharibəsi o deməkdir ki, insanlar tüstü və zəhərli hava ilə nəfəs alacaq, içməli su təminatı məhv olacaq.
Əksər insanlar nüvə partlayışı ərazisində olmasa da, sonradan “Nüvə qışının” təsirindən ciddi ərzaq və su çatışmazlığına görə acından öləcək.
Hətta kiçik ərazili regional nüvə müharibəsi – indiki halda Rusiya Ukrayna və ya Avropa sərhədlərinə tətbiq edərsə, qlobal miqdasda 50 milyon insanın acından ölməsinə gətirib çıxara bilər.
Qlobal faciə indiki və gələcək nəsillərin də sağlamlığına ciddi təhlükə olacaq.
1983-cü ildə Dünya Səhiyyə Təşkilatının tövsiyələrinə görə, hər bir həkim nüvə silahı tətbiqindən sonra insanlara yardım və müalicənin prinsiplərini bilməlidir. Lakin həkimlərin birinci vəzifəsi nüvə müharibəsinin qarşısını hər yolla olur-olsun almaq, buna yol verməməkdir.
Çünki nüvə hücumu olarsa, sonradan insanlara həkimlər heç bir kömək edə bilməyəcək. Çünki nüvə partlayışının fəsadları qarşısında tibb acizdir.
Nüvə silahı atılan region və radiusda şəhərlərdə xəstəxanalar, klinkalar da yanacaq və ölən insanlar içində həkimlər, tibb işçiləri də olacaq. Regiona nüvə silahının atılması həm də orda olan bütün həkim, tibb işçisinin məhvi deməkdir.
Nüvə partlayışı insanı necə yaralayır:
intensiv istilik və qaynar hava dəridə, gözlərdə, tənəffüs yolarında ciddi yanıqlar törədir, zərbə dalğası və küləyin təsirindən binalar, obyektlər dağılır və dağıntı xəsarətlərindən insanlar yaralanır, yüksək dozalı şüalanma nəticəsində insanlarda cəmi bir neçə ay ərzində bədxassəli şişlər və xərçəng xəstəlikləri baş qaldırır. Nəticədə insanlarda ağciyərdən tutmuş beyin, qan xərçənginə kimi ciddi onkoloji xəstəliklər diaqnoz olunur.
Radioaktiv zərərli maddələr dolayı yolla bitkilər, su, qida, hətta heyvanların əti ilə də orqanizmə daxil olacaq.
Nüvə hücumundan və nüvə raketinin partlamasından sonra böyük ərazidə ən azı 3 il radioaktiv çirklənmə pik həddə olur.
Aygün Musayeva
Ən Çox Oxunanlar
Yeni Xəbərlər
