ABŞ-nin Vitse-prezidenti azərbaycanlı həkimə təşəkkürnamə göndərdi - FOTO
- 2026.03.16 22:29
- 350 Baxış
ABŞ-nin Vitse-prezidenti Cey. Di. Vens və ABŞ-nin ikinci xanımı Uşa Vens Ağ Evdən fizioterapiya ve reabilitasiya üzrə Tibb elmləri namizədi (Tibb üzrə Fəlsəfə doktoru), fizioterapevt-reabilitoloq, TƏBİB-in icraçı direktorunun müşaviri Pərvin Əkbərova “Təşəkkürnamə” göndərib.
Medicina.az xəbər verir ki, bununla bağlı Pərvin Əkbərov öz sosial şəbəkə hesabında paylaşım edib.
“ABŞ-nin Vitse-prezidenti Cey. Di. Vens və ABŞ-nin ikinci xanımı Uşa Vens tərəfindən təqdim olunan "Təşəkkürnamə" üçün qürur duyuram. Bu mənalı jest səhiyyə sahəsində beynəlxalq əməkdaşlığın artan əhəmiyyətini əks etdirir. Bilik, innovasiya və liderlik sərhədləri aşır. Bir səhiyyə peşəkarı və Cons Hopkins Universitetinin tələbəsi kimi qlobal dialoqa töhfə verməyə, səhiyyə sistemlərini irəli aparmağa və elm və peşəkar əməkdaşlıq vasitəsilə ölkələr arasında daha güclü körpülər qurmağa sadiq qalıram. Bu "Təşəkkürnamə"yə görə minnətdaram və daha sağlam, daha əlaqəli bir dünya üçün çalışmağa davam edəcəyəm” - deyə o paylaşımda qeyd edib.
Qeyd edək ki, sözügedən təşəkkürnamə ABŞ-nin vitse-prezidenti Cey. Di. Vensin ötən ay Azərbaycana səfəri zamanı qurulan peşəkar təmaslarla əlaqəlidir.
Ən Çox Oxunanlar
Yeni Xəbərlər
