Arıqlama iynəsi möcüzədir, kim istəsə vura bilər - VİDEO
- 2026.02.23 12:46
- 186 Baxış
"Diyetoloqlar deyir ki, göbəkdən vurulan arıqlama iynələrini vursanız, onkoloji xəstə olacaqsınız. Mən hətta onkoloji xəstələrə də kök olanda bu iynələrdən vururam. Onların onkologiya ilə heç bir əlaqəsi yoxdur”.
Medicina.az xəbər verir ki, bunu onkoloq Anar Məmmədov “Astar TV” yutub kanalına müsahibəsində deyib.
Həkim həmin iynələrin möcüzəvi tərkibə malik olduğunu, bədəndəki insulin dirəncini qırdığını bildirib:
“Diyetoloqların dediyi “yarım xiyar, yarım avakado ilə arıqlayaraq” daha böyük risk daşıyır. Bunları vurmağın isə heç bir riski yoxdur.
Kim məndən o dərmanları soruşursa, həm sağlam adamlara, həm də onkoloji xəstələrə deyirəm ki, vursunlar. O iynələr möcüzədir. Onların tərkibi semaqlutiddir, bədəndə olan insulin dirəncini qırır və insanı çox yaxşı arıqladır”.
A.Məmmədov bəzən bu iynələrdən istifadə edən şəxslərin komaya düşməsi ilə bağlı deyilənlərə də münasibət bildirib:
“Onlar düzgün istifadə etmirlər. Normalda bu iynələr 0,25-lə başlanılır, sonra 0,5, 0,75 və sair, hər 4 həftədən bir artırılır. Bir də var ki, bir adam istəyir sürətlə arıqlasın. Birdən-birə ən yüksək doza ilə - 15-lə başlayır. Axı bu zaman mədəaltı vəzi zərər görür. Hər şey belədir, yüksək doza ilə başlasanız, zərər görərsiniz.
Rahat-rahat kim istəsə, arıqlama iynəsi vura bilər. Adamlar var ki, onkoloji xəstəliyi olub, müalicə olunub, sonra sürətlə kökəlir. Mən ona məsləhət görürəm ki, həmin iynədən vurdursun. Çünki dünyanın bəlası artıq çəkidir”.
Ən Çox Oxunanlar
Yeni Xəbərlər
