Ayaqlarda mavi ləkələr qan qatılaşmasını göstərir
- 2026.08.01 13:02
- 73 Baxış
Cərrah Viktor Baldin dəri nahiyəsinin mavi rəngdə olmasını qatı qanın təhlükəli simptomu kimi müəyyən edib.
Medicina.az xəbər verir ki, onun sözlərinə görə, qanın qatılaşması qan dövranı pozğunluqlarının simptomudur.
Qanı qatı olan insan işemik tromboz, ürək tutmaları və emboliya kimi həyati təhlükə yaradan vəziyyətlərə həssas olur. Qan dövranının pozulmasına məhəl qoyulmamalıdır; həkimə müraciət etmək və lazımi müalicə barədə məsləhət almaq lazımdır.
Cərrah Viktor Baldin qatı qanı göstərə biləcək simptomları sadalayıb:
"Xəstələrin əksəriyyəti barmaq uclarında uyuşma və ya qarışqagəzmə, ətrafların dərisinin rənginin dəyişməsi, ayaqlarda və əllərdə soyuqluq hissindən şikayət edirlər".
Baldin həmçinin qeyd edib ki, qatı qanın yaratdığı ağırlaşmalar təcili tibbi yardım və müayinə tələb edən simptomlara səbəb ola bilər.
Dərinin bir hissəsinin mavi rəngə çalması və həmin nahiyədə kəskin ağrı
Qıcolmalar
Nitq pozğunluğu
Üzün bir tərəfində qəfil uyuşma
Şiddətli, uzunmüddətli baş ağrısı
Baldin əlavə edib ki, qatı qan testlə aşkar edilə bilər: dərini sıxın və sonra nə qədər tez, sürətlə yerinə qayıtdığını görün.
"Test əlin və ya ayağın iç tərəfində, alında, qulaq məməsində və ya dırnaqda aparılır. Təhlükəli bir patoloji yoxdursa, beş saniyəlik təzyiqdən sonra dəridəki ağ ləkə iki saniyə ərzində yox olur. Bu, daha uzun çəkərsə, vəziyyət narahatedicidir."
Aygün Musayeva
Ən Çox Oxunanlar
Yeni Xəbərlər
