Epilepsiya xəstəsi olan yeniyetmənin beyninə implant yerləşdirildi

  • 2024.06.25 10:30
  • 500 Baxış
Epilepsiya xəstəsi olan yeniyetmənin beyninə implant yerləşdirildi
Britaniyalı yeniyetmə Oran Noulson epilepsiya ilə mübarizə aparmaq üçün beyninə neyrostimulyator taxılan ilk xəstə olub.

Əməliyyat hələ ötən ilin oktyabr ayında Londonun "Great Ormond Street" xəstəxanasında aparılıb. Ağır epilepsiya xəstəliyindən əziyyət çəkən Oranın o zaman 12 yaşı var idi, indi isə 13 yaşı tamam olub.

Medicina.az xəbər verir ki, həkimlər əməliyyatı nəticələr bəlli olandan sonra açıqılayıblar. O vaxtdan bəri Oranın qıcolmaları 80% azalıb. Uşağın anası oğlunun daha xoşbəxt olduğunu və həyat keyfiyyətinin xeyli yaxşılaşdığını bildirib.

Onun sözlərinə görə, epilepsiya Oranın bütün uşaqlığını əlindən alıb. Bəzən qıcolmalar zamanı oğlan yerə yıxılır və huşunu itirir, vaxtaşırı nəfəsi belə dayanır, ona təcili reanimasiya üçün dərman lazım olurdu.

Aparat beyinə sabit cərəyan nəbzini çatdıraraq qıcolmaların qarşısını alır. O, epileptik tutmalara səbəb olan siqnalları pozur. Cihaz simsiz qulaqlıqlar vasitəsilə enerji yığır.