Sağlam ürək üçün həftəlik MENYU
- 2024.07.11 16:16
- 1166 Baxış
Beynəlxalq alimlər qrupu ürək və qan damarları üçün ən yaxşı pəhrizi açıqlayıblar.
Medicina.az xəbər verir ki, bunun üçün tədqiqatçılar 80 ölkədən 245 min insanın qida rejimini müqayisə ediblər.
Nəticədə həftəlik menyu üçün 5 sadə qayda müəyyən edilib:
1. Hər yeməkdə tərəvəz və ya meyvələr olmalıdır.
Ürək üçün ən faydalısı: nar, banan, xurma, pomidor, balqabaq, soğan, bolqar bibəridir.
2. Gündə iki dəfə süd məhsulları yemək lazımdır.
Bu məhsulların tərkibindəki kalsium və kalium hipertoniyadan qoruyur.
3. Gündə bir dəfə çərəz yeyilməlidir.
Qoz, badam, fındıq, şam fıstığı və püstə ən yaxşı seçim ola bilər.
Onlar qan təzyiqini normallaşdırır, xolesterol səviyyəsini azaldır və qan damarlarının divarlarının elastikliyini artırır.
4. Həftədə üç-dörd dəfə qarnir olaraq paxlalıları seçmək lazımdır.
Onlar xolesterol səviyyəsini normallaşdırır və sərbəst radikalların təsirindən qoruyurlar.
5. Həftədə ən azı iki dəfə balıq yeməlisiniz.
Omeqa-3 doymamış yağ turşuları tromboz riskini azaldır və qan axınını yaxşılaşdırır.
Əsas məsələ odur ki, balıq qızardılmamalıdır. Balığı sobada və ya buxarda bişirə bilərsiniz.
Aysel
Ən Çox Oxunanlar
Yeni Xəbərlər
