Azərbaycanda çox həkimlərin yazdığı bu preparatlar - Dərman vasitəsi deyil - Xəbərdarlıq

  • 25 Okt 2021 16:30
  • 546 Baxış
Azərbaycanda çox həkimlərin yazdığı bu preparatlar -  Dərman vasitəsi deyil - Xəbərdarlıq
Qida əlavələri orqanizmin gücləndirilməsi, qidanın zənginləşdirilməsi məqsədilə həkim tərəfindən tövsiyə oluna bilər. Lakin xəstəliklərin qarşısının alınması və ya müalicəsi üçün təyin olunan dərman vasitələrini əvəz etmir.

Medicina.az xəbər verir ki, bioloji fəallığa malik qida əlavələrinin istifadə təlimatında "Xəstəliklərin müalicəsi məqsədilə istifadə edilə bilməz" ifadəsi mütləq qeyd edilməlidir. Bu barədə AQTA bir daha məlumat verib.

Qida əlavələrinin istifadə təlimatında xəstəliklərin adı, onların qarşısının alınması və müalicəsi məqsədilə istifadə edilməsi və ya bu cür təəssürat yaradan ifadələr olmamalıdır.

Bioloji fəallığa malik qida əlavələrinin ölkəyə idxalı və satışı qanunvericiliyin tələblərinə uyğun təmin edilməlidir. Uşaqlar üçün nəzərdə tutulmayan qida əlavələrinin qablaşdırılmasında körpə uşaq şəkilləri əks olunmalıdır.

Bu sahədə fəaliyyət göstərən sahibkarlar qanunvericiliyin tələblərinə ciddi şəkildə əməl etməlidir. İstehlakçılar isə bu məhsulları alarkən qablaşma üzərindəki və ya içlik vərəqəsində qeyd olunan istifadə təlimatını diqqətlə oxumalıdır.


Qeyd edək ki, qida əlavələri böyüklər və uşaqlar üçün nəzərdə tutulmuş müxtəlif vitamin-mineral kompleksləri, bitki təribli qarışımlar, sakitləşdirici xarakterli BAD-lardır. Çox halda həkimlər onu reseptə sonda müalicəyə əlavə olaraq yazır və bu preparatlar həmişə dərman vasitələrindən daha baha olur.




Azərbaycanda çox həkimlərin yazdığı bu preparatlar -  Dərman vasitəsi deyil - Xəbərdarlıq