Azərbaycanda peyvəndlənmə olduğu üçün qapanmalara gedilmir - Təbib rəsmisi

  • 20 Noy 2021 15:50
  • 331 Baxış
Azərbaycanda peyvəndlənmə olduğu üçün qapanmalara gedilmir -  Təbib rəsmisi
Vaksinasiya başlayandan bəri bir neçə dəfə yoluxma halları ciddi şəkildə artıb. Amma karantin sərtləşdirilməsinə getməmişik. Bu da vaksinasiyanın müsbət təsiridir.


Medicina.az xəbər verir ki, bunu TƏBİB-in Xəstəliklərin kontrolu və profilaktikası departamentinin müdiri Yaqut Qarayeva Bakıda "COVID-19: Erkən və Gecikmiş Fəsadlar" mövzusunda beynəlxalq konfransda çıxış edərkən deyib.

O, qeyd edib ki, pandemiyanın ilk dövrlərində vaksinasiya prosesi başlamadığı üçün həmin vaxt qapanmalar yeganə çıxış yolu idi, indi isə vəziyyət fərqlidir:

“Bu da vaksinasiyanın təsiridir. Vaksinasiyanın effektivliyini göstərən bundan yaxşı nümunə ola bilməz. Mütləq peyvənd vurdurmaq lazımdır. Bu gün tövsiyə olunduğu kimi buster doza vaksini vurdurmalıyıq”, –deyə o qeyd edib

“Azərbaycanda bu günə kimi pandemiya ilə mübarizəyə 43 551 tibb personalı, 574 könüllü, xaricdən dəvət olunan 380 mütəxəssis cəlb edilib. Vətən müharibəsi zamanı yaralılara 10 000 tibb personalı, 1300 könüllü, xaricdən dəvət olunan 100 mütəxəssis xidmət göstərib”-, deyə o bildirib.