Bakıda təcili tibbi yardım avtomobili piyadanı vuraraq öldürdü

  • 16 Noy 2021 12:12
  • 233 Baxış
Bakıda təcili tibbi yardım avtomobili  piyadanı vuraraq öldürdü
Bakıda ölümlə nəticələnən yol-nəqliyyat hadisəsi baş verib.

Medicina.az xəbər verir ki ,“Report”un əldə etdiyi məlumata görə, hadisə noyabrın 14-ü səhər saat 07 radələrində Zabrat-Maştağa avtomobil yolunun Sabunçu qəsəbəsi ərazisində qeydə alınıb.

Belə ki, Valeh Mahmudov idarə etdiyi “Mercedes Vita” markalı təcili tibbi yardım avtomobili ilə piyada xəttini keçmək istəyən - 1992-ci il təvəllüdlü Pərviz Əsgərovu vurub. Nəticədə piyada hadisə yerində ölüb.

Faktla bağlı Sabunçu Rayon Polis İdarəsində Cinayət Məcəlləsinin 263.2-ci (Yol hərəkəti və nəqliyyat vasitələrinin istismarı qaydalarını pozma, ehtiyatsızlıqdan zərərçəkmiş şəxsin ölümünə səbəb olduqda) cinayət işi başlanılıb, istintaq aparılır.