Bu toxum damarda iltihabı azaldır- Alimlər
- 2026.01.13 16:52
- 240 Baxış
Kətan toxumundakı siklinolipeptid B (CLB) və α-linolen turşusu (ALA) maddələri yüksək yağlı pəhrizin yaratdığı damar iltihabını azalda bilər.
Medicina.az xəbər verir ki, bu, Nançan Universitetinin alimlərinin gəldiyi nəticədir.
Təcrübədə siçanlara uzun müddət yüksək yağlı qidalar verildi. Siklinolepeptidlərlə zənginləşdirilmiş kətan ekstraktları, alfa-linolen turşusu birlikdə eyni vaxtda pəhrizə daxil edildi.
Alimlər qan damarlarında kəskin iltihabi reaksiyalara təsirini qiymətləndirmək üçün yüksək təmizlənmiş CLB-ni ayrıca sınaqdan keçirdilər.
Kətan toxumu kombinasiyasını qəbul edən heyvanlarda çəki artımının azalması, qan lipid profillərinin yaxşılaşması və trimetilamin-N-oksid səviyyəsinin azalması müşahidə edildi. Bu metabolit ürək-damar xəstəlikləri riskinin artması ilə əlaqələndirilir.
Damar toxumasının təhlili iltihab markerlərində azalma və piylənmə və metabolik pozğunluqlar nəticəsində zədələnmiş qan damarlarının daxili astarının - endotelin bərpa əlamətlərini aşkar etdi.
Əlavə hüceyrə təcrübələri mümkün bir mexanizmi aydınlaşdırmağa kömək etdi: siklinolepeptid B, iltihab proseslərinin tənzimlənməsində iştirak edən lipoksigenaza və sitoxrom P450 fermentləri ilə qarşılıqlı təsir göstərərək alfa-linolen turşusunun emalını gücləndirdi.
Müəlliflər qeyd edirlər ki, t kətan toxumunun insanlar üçün faydaları hələ də təsdiqlənməyib. Buna baxmayaraq, yeni məlumatlar ürək-damar xəstəliklərinin qarşısının alınmasında amil kimi qidalanma ilə bağlı daha çox tədqiqat üçün yollar açır.
Aygün Musayeva
Ən Çox Oxunanlar
Yeni Xəbərlər
