Danışa bilməyənləri "açar"la müalicə edir - Minlərlə insan qapısına gedir
- 2026.05.11 13:06
- 105 Baxış
Türkiyədə Şanlıurfanın Viranşehir rayonunda danışa bilməyənlərin ağızlarına açar qoymaqla müalicə olunduğunu iddia edən Seyit Cuma Tüfehi sosial mediada xurafatın yeni mərkəzinə çevrilib.
Medicina.az xəbər verir ki, Şanlıurfanın Viranşehir rayonunda nitq çətinliyi olanların ağızlarına açar qoymaqla müalicə olunduğunu iddia edən Seyit Cuma Tüfehinin videoları sosial mediada qəzəbə səbəb olub.
"Sağaldığını" iddia edənlərin paylaşımlarından sonra xurafat sürətlə sərhədləri aşaraq Avropaya qədər yayılıb.
Viranşehirdə yaşayan və uşaqları, böyükləri ağızlarına açar qoyub dua etməklə danışdırdığını iddia edən Tufehinin videoları milyonlarla baxış toplayıb. Videolardan sonra Türkiyənin hər yerindən və xaricdən yüzlərlə insan danışa bilməyən qohumları ilə birlikdə rayona axın etməyə başlayıb.
Adanadan Konyaya qədər bir çox şəhərdən ailələr bu metoddan nəticə gördüklərini iddia edirlər. Oğlu üçün Adanadan gələn bir vətəndaş "Oğlum kəkələyirdi, burada danışdı, xoşbəxtlikdən ağladıq", digəri isə "Ağzına açar qoydular və nitqi bir az da olsa açıldı" dedi. Heç bir elmi əsası olmayan bu metod çarəsiz ailələr üçün ümid işığına çevrildi.
Ödəniş almadığını deyən Seyit Cuma Tufehi, tənqidçilərinə qarşı şəfanın Allahdan gəldiyini söyləyərək özünü müdafiə edir. İnsanların dünyanın hər yerindən gəldiyini deyən Tufehi, dini istinadlarla öz təcrübəsini müdafiə etməyə çalışır: "İmanı olanlar şəfa tapır. Biz Qurani-Kərim yolundayıq."
Aygün
Medicina.az
Ən Çox Oxunanlar
Yeni Xəbərlər
