Demansiyanın qarşısını alan 3 qida
- 2024.03.13 10:05
- 526 Baxış
Qarşıdakı illərdə demansiya hallarının təxminən üç dəfə artacağı gözlənilir.
Medicina.az xəbər verir ki, Ümumdünya Səhiyyə Təşkilatının məlumatına görə, demensiyadan əziyyət çəkən insanların sayının 2030-cu ildə 78 milyona, 2050-ci ildə isə 139 milyona çatacağı proqnozlaşdırılır.
Dietoloq Nahid Ali bildirir ki, qidalar demansiyadan qorunmağa kömək edə bilər: “Bəzi sadə seçimlər böyük fərq yaradır".
O, beyni qidalandırıb demansiyadan qoruyan 3 qidanın adını açıqlayıb:
1. Giləmeyvələr
Beyin hüceyrələrini zədələnmədən qoruyan antioksidantlarla zəngin olan giləmeyvələr ekspertin fikrincə, “beynin qidasıdır”.
“Nutrients” jurnalında dərc olunan araşdırmalar, hər gün çiyələk yeməyin orta yaşlı insanlarda demansiya riskini azalda biləcəyini müəyyən edib.
Əvvəlki araşdırmalar qaragilənin də oxşar təsirə malik olduğunu irəli sürmüşdü.
“Mən ovcumda qaragilə, moruq və böyürtkəni qarışdırıb yeməyi xoşlayıram. Çünki hər rəngin özünəməxsus qoruyucu birləşmələri var. Gündə bir və ya iki ovuc giləmeyvə yemək olar. Meyvə yeməyi xoşlamayanlar onları yulaf lopaları və ya qatıqla qarışdırıb qəlyanaltı kimi istifadə edə bilərlər”, - Nahid Ali bildirib.
2. Yağlı balıqlar
Dietoloqun sözlərinə görə, qızılbalıq və tuna kimi yağlı balıqlar beyin hüceyrələrinin fəaliyyəti üçün vacib olan Omeqa-3 ilə zəngindir:
“Omeqa-3 beyində demansiya ilə əlaqəli iltihabı azaltmağa kömək edir. Bu, beyin sağlamlığınızı dəstəkləməyin ən asan yollarından biridir. Həftədə bir neçə porsiya balıq yeməyi tövsiyə edirəm".
3. Çərəzlər
Faydalı yağlar, zülallar və liflə zəngin olan çərəzlər beyni mükəmməl qidalandırır.
"Tədqiqatlar göstərir ki, müntəzəm olaraq qoz-fındıq yeyən insanlar yaşlandıqca daha fit qalmağa meyllidirlər. Lakin çərəzlər yüksək kalorili olduğundan, porsiya ölçülərinə diqqət yetirmək vacibdir. Mən 30 və ya 60 qram istehlak etməyi məsləhət görürəm. Bu miqdar beyin sağlamlığınızı qorumaq üçün kifayətdir", - deyə dietoloq qeyd edib.
Aysel
Ən Çox Oxunanlar
Yeni Xəbərlər
