"Təqib etdiyim bütün hamilələr koronavirusa yoluxdu” - Məşhur ginekoloqdan vaksin açıqlaması
- 2021.10.26 17:30
- 1317 Baxış
Vaksinasiyadan yox, xəstəlikdən qorxmaq lazımdır.
Biz artıq gördük ki, hamilələr də koronavirusa yoluxmağa başlayır. Demək olar ki, təqib etdiyimiz bütün hamilələr virusa yoluxdu. Biz də, xəstələrimiz də narahat olduq.
Medicina.az -a açıqlamasında bunu qadın xəstəlikləri üzrə uzman Rəşad Sultan bildirib.
“Biz təkcə döl deyil, anaya görə narahat oluruq. Hamiləlikdə immunitet azaldığına görə, bəzi xəstəliklər daha ağır keçdiyinə görə narahatıq.
Ona görə də vaksinasiyadan yox, birinci xəstələnməkdən qorxmaq lazımdır. Hamilələr isə yüz qat qorunmalıdır. Qorunmaq üçün də əlimizdəki spesifik və effektiv metod vaksindir. İndi bəzi canlı virus vaksinalarını hamiləlikdə məsləhət görmürlər ki, milyonda bir xəstəlik törətmə ehtimalı var. Amma bilirik ki, koronavirus vaksini canlı virusdan deyil. O ya zülal, ya da RnT fraqmentidir.
Ona görə də bu vaksinin hamilələrdə problem və ya infeksiya yaratmaq ehtimalı yoxdur. Dölə də canlı virus özü keçmir. Beləliklə, vaksinin nə anaya, nə uşağa heç bir ziyanı yoxdur.
Bütün hamilə qalmağa hazırlaşan qadınlara vaksin olmağı məsləhət görürük. Vaksinin nə kimi yan təsiri var? Istər hamilə olsun, istər olmasın vaksinin ancaq allergik və pirogen reaksiyası ola bilər.
Əgər bədəndə reaksiya törətmiyəcəksə, immunitet də yaratmaz. Yəni immunitet yaratsın, reaksiya törətsin deyə vurulur. Bəzən reaksiya bir az aşırı olur. Kiminin qızdırması qalxır, kimi biraz halsız olur. Bundan qorxmaq lazım deyil.
Bu birinci və axırıncı vaksinasiya deyil ki, anadan doğulandan vaksin oluna-oluna gəlirik. Bir qolumuzda çiçək, o birində vərəm vaksini, dilimizə damızdırılan poliomielit vaksini, daha sonra yeni çıxan hepatit vaksinləri. Yəni insanlar elə qorxur ki, sanki birinci dəfədir vaksin olunub”.
Fəridə Söhrabqızı
Ən Çox Oxunanlar
Yeni Xəbərlər
