Dırnaqlarınız daim qırılırsa, səbəb bu ola bilər
- 2025.05.21 11:52
- 153 Baxış
Dırnaq qırılması həm estetik, həm də sağlamlıq baxımından əhəmiyyətli bir problemə işarə edə bilər.
Bəs, dırnaqların qırılmasının səbəbləri nələrdir? Bunun üçün nə etmək olar?
Medicina.az xəbər verir ki, dırnaq qırılması həm estetik baxımdan narahatedici bir vəziyyətdir, həm də sağlamlıq göstəricisi olaraq nəzərə alınmalıdır. Xüsusilə qadınlarda rast gəlinən dırnaq qırılmasının bir çox səbəbi olsa da, sadə tədbirlərlə bunun qarşısını almaq mümkündür.
Dırnaqların qırılmasının ən çox görülən səbəbləri
1. Qida çatışmazlıqları:
Dırnaqlar bədənin qidalanmasındən birbaşa təsirlənir. Xüsusilə biotin (vitamin B7), dəmir, sink, zülal və omeqa-3 çatışmazlığı dırnaqların incəlməsinə, soyulmasına və qırılmasına səbəb olur.
2. Suya və kimyəvi maddələrə davamlı məruz qalma:
Yuyucu və ağardıcı kimi kimyəvi məhsullarla tez-tez təmasda olmaq dırnaqları zəiflədir. Daim nəm əllər də dırnaq quruluşunu zədələyir və elastikliyini itirməsinə səbəb olur.
3. Dırnaq yemə vərdişi:
Dırnaq yemə təkcə estetik problem deyil, həm də dırnağın təbii quruluşunu zədələyən və qırılma riskini artıran vərdişdir.
4. Həddindən artıq dırnaq boyası və asetonun istifadəsi:
Dırnaq boyasının tez-tez dəyişdirilməsi və güclü asetonlarla təmizlənməsi dırnaqların qurumasına və çatlamasına səbəb olur.
5. Tiroid və digər sağlamlıq problemləri:
Hipotiroidizm kimi bəzi sağlamlıq problemləri dırnaq sağlamlığını birbaşa təsir edə bilər.
Dırnaqların əhəmiyyətli dərəcədə zəifləməsi varsa, əsas tibbi səbəb araşdırılmalıdır.
Dırnaqların qırılmasının qarşısını almaq üçün görüləcək tədbirlər:
1. Balanslı və vitaminlərlə dəstəklənən pəhriz:
Bol zülal, dəmir, sink, biotin və E vitamini olan qidalardan istifadə dırnaq sağlamlığınızı dəstəkləyir. Lazım gələrsə, həkim tövsiyəsi ilə əlavələrdən istifadə edə bilərsiniz.
2. Əlcəklərdən istifadə etməyi unutmayın:
Təmizləyərkən və ya su ilə uzun müddət təmasda olmağı tələb edən hallarda həmişə qoruyucu əlcəklərdən istifadə edin.
3. Nəmləndirici rejim yaradın:
Əllərinizi nəmləndirərkən, dırnaq diblərinə və dırnaq ətlərinə laqeyd yanaşmayın. Təbii yağlarla (zeytun yağı, badam yağı, kokos yağı) qulluq etmək qırılmaları azaldır.
4. Dırnaqlarınızı düzgün şəkildə kəsin və onlara qulluq edin:
Dırnaqlarınızı düz kəsməyə diqqət edin. Sivri uclar qırılmağa daha çox meyllidir.
5. Keyfiyyətli dırnaq lakı və asetondan istifadə edin:
Tərkibində aseton olmayan dırnaqlara uyğun məhsullar seçin. Dırnaqlarınızın nəfəs alması üçün laksız bir neçə gün buraxın.
Dırnaqların qırılmasına təkcə xarici amillər deyil, həm də bədənin daxili balansı səbəb ola bilər. Davamlı və şiddətli qırılmalar varsa, dermatoloqa müraciət edilməlidir. Sağlam dırnaqlar ümumi sağlamlığın güzgüsüdür.
Aygün
Medicina.az
Ən Çox Oxunanlar
Yeni Xəbərlər
