Düzgün və sağlam qocalıq üçün - 5 şərt
- 2026.01.05 16:45
- 285 Baxış
Sağlam həyat tərzi istənilən yaşda vacibdir, lakin 50 yaşdan sonra düzgün qocalmaq uzun ömrün və yaxşı iz qoymağın şərtidir.
Genetika sağlam bir qocalığa hazır olub-olmamağınızda mühüm rol oynasa da, vərdişləriniz davranışlarınız da vacibdir.
Medicina.az xəbər verir ki, Amerika Təqaüdçülər Assosiasiyası müasir elmi tədqiqatlara əsaslanaraq 50 yaşdan yuxarı insanlar üçün siyahı hazırlayıb:
1. Güclü sosial əlaqələriniz, çevrəniz var
Tək yaşayan, artıq işləməyən və nadir hallarda evdən çıxan yaşlı yetkinlər xüsusilə yüksək tənhalıq və sosial təcrid riski altındadır ki, bu da səhhəti pozur və ömrü qısaldır, ürək-damar xəstəliklərinin, diabetin, depressiyanın və demansın inkişafına səbəb olur. Eyni zamanda, dostlarından, qohumlarından, qonşularından və hətta tanışlarından çoxlu ünsiyyət və dəstək alan insanlar daha xoşbəxt, daha sağlam və uzun yaşayırlar.
2. Fiziki cəhətdən aktivsiniz, çox gəzirsiz
Fiziki aktivlik dedikdə, idman salonuna üzvlüyə ehtiyacınız yoxdur - bu, itlə gəzinti, bağçılıq və ya ev işləri, rəqs, yoqa və ya başqa bir şey ola bilər. Hərəkət yalnız sağlam əzələləri, oynaqları və ürək sağlamlığını qorumaqla yanaşı, əhvalınızı da qaldırır, xroniki xəstəliklərdən qoruyur və ömrü uzadır.
3. Aralıq dənizi pəhrizi
Bu pəhriz artıq sağlam qidalanmanın qızıl standartı kimi tanınır. Buraya bol tərəvəz və meyvələr, paxlalılar, qoz-fındıq, tam taxıllar, zeytun yağı, balıq və dəniz məhsulları daxildir. Bundan əlavə, tədqiqatlar göstərir ki, sağlam qidalanmağa başlamaq üçün heç vaxt gec deyil;
4. Mənalı və məqsədyönlü bir layihədə olmaq
Həyatda məqsəd və məna sahib olmaq olduqca vacibdir. Zəngin, dolğun həyat yaşayan, daim yeni şeylər öyrənən və yalnız onlara sevinc gətirməyən, həm də başqaları üçün məna kəsb edən şeylər edən insanlar nəticədə daha uzun və sağlam həyat sürürlər.
5. Ən azı yeddi saat yatırsınız
Keyfiyyətli yuxu sağlam yaşlanmanın inanılmaz dərəcədə vacib bir hissəsidir və onun olmaması piylənmə, diabet, depressiya, hipertoniya, ürək-damar xəstəlikləri və demans riskini artırır. Məhz yuxu zamanı beyin toksinləri xaric edir və zədələnmiş sinir əlaqələrini bərpa edir. Kifayət qədər yuxu olmadan bu proses pozulur və neyrodegenerativ xəstəliklər riskini artırır.
Aygün Musayeva
Ən Çox Oxunanlar
Yeni Xəbərlər
