Əlləriniz tez-tez şişir - Nəyi yoxladaq?
- 2025.12.16 18:26
- 77 Baxış
Şişmiş əllər böyrək problemlərinin olduğunu göstərir.
Mütəxəssislər xəbərdarlıq edirlər ki, böyrək xəstəliyi olan insanların böyük əksəriyyəti diaqnozlarından xəbərsizdirlər.
“Medicina” xəbər verir ki, Milli Böyrək Fondunun (NKF) baş tibb işçisi Dr. Joseph Vassalotti-nin sözlərinə görə, xroniki böyrək xəstəliyi olan insanların yalnız 10 faizi vəziyyətlərindən xəbərdardır.
Bu, simptomların adətən xəstəliyin sonrakı mərhələlərində, müalicəsi daha çətin olduqda ortaya çıxması ilə əlaqədardır.
Bundan əlavə, simptomlar çox vaxt qeyri-müəyyən olur və digər xəstəliklərlə əlaqələndirilir. Şişmiş barmaqlar da belə vəziyyətlərdən biri ola bilər.
Ətraflarda maye yığılması böyrək çatışmazlığını göstərir. Böyrəklər qandakı tullantıları süzür və sidik vasitəsilə bədəndən artıq suyu xaric edir. Böyrəklər düzgün işləmədikdə, sistemdə maye saxlanılır. Bu, oynaq nahiyələrində şişkinliyə səbəb olur.
Milli Böyrək Fondu qeyd edir ki, böyrək funksiyasının azalması şişkinliyin digər səbəbi natriumun tutulub saxlanması ola bilər. Bir araşdırmada bədəndə natriumun yığılmasının susuzluğun artmasına səbəb olduğu aşkar edilmişdir. Nəticədə, xəstələr nəinki daha çox su qəbul edirlər, həm də yüksək qan təzyiqi ilə üzləşirlər.
Şişmiş barmaqlar və əllər böyrək çatışmazlığının tipik əlaməti hesab olunur, lakin onlar həmçinin ürək xəstəliyinin siqnalını verə bilər.
"Əgər ürək xəstəliyiniz varsa, çox güman ki, böyrək problemləriniz də var və ya əksinə."
Ona görə də əl, ayaq şişməsində böyrəklər, ürək birinci yoxlanmalıdır.
Aygün Musayeva
Ən Çox Oxunanlar
Yeni Xəbərlər
