Görünməyən düşmən: Allergiya
- 2026.06.24 15:11
- 113 Baxış
İsti aylarda ağlımıza dəniz, günəş, tətil və açıq havada keçirdiyimiz xoş anlar gəlir.
Medicina.az bildirir ki, lakin minlərlə insan üçün bu mövsüm eyni zamanda asqıraq, burun axması, göz yaşarması və nəfəs almaqda çətinliklə müşayiət olunan narahat günlərin başlanğıcı deməkdir. Maraqlıdır ki, insanı xəstələndirən nə virusdur, nə də infeksiya.
Günahkar bəzən sadəcə havada görünmədən dolaşan mikroskopik tozcuqlardır.
Mütəxəssislərin fikrincə, son illərdə allergik xəstəliklərin yayılması nəzərəçarpacaq dərəcədə artıb. İqlim dəyişiklikləri, havanın çirklənməsi və bitkilərin daha uzun müddət çiçəkləməsi səbəbindən mövsümi allergiyalar artıq milyonlarla insanın həyat keyfiyyətinə təsir göstərir. Allergiyadan əziyyət çəkənlər üçün adi bir gəzinti belə narahatlığa çevrilə bilər.
Pollinoz - yaz, yay, payız aylarının ən geniş yayılmış allergiyası
Fəsli allergiya və ya pollinoz -mövsümi allergik xəstəlikdir, əsasən ağac, ot və alaq bitkilərinin havaya buraxdığı tozcuqlara qarşı orqanizmin həddindən artıq həssas reaksiyasıdır. İmmun sistemi əslində zərərsiz olan bu hissəcikləri təhlükə kimi qəbul edir və nəticədə allergik proses başlayır.
Pollinoz zamanı ən çox rast gəlinən əlamətlər:
Davamlı asqırma tutmaları;
Burun axması və ya tutulması;
Gözlərdə qaşınma, qızartı və sulanma;
Boğazda qıcıqlanma hissi;
Quru öskürək;
Yorğunluq və halsızlıq;
Əlamətlər xüsusilə səhər saatlarında, küləkli havalarda və açıq məkanlarda daha intensiv hiss olunur. Bəzi insanlarda allergiya yuxu pozulmasına, iş qabiliyyətinin azalmasına və ümumi həyat keyfiyyətinin aşağı düşməsinə səbəb olur.
Yay mövsümündə havada polenlərin miqdarı maksimum səviyyəyə çatır. Külək bu tozcuqları kilometrlərlə uzağa daşıya bilir. İnsan hər nəfəs aldıqda həmin hissəciklər burun, göz və tənəffüs yolları ilə təmasda olur.
Allergiyadan qorunmaq mümkündürmü?
Tamamilə qorunmaq hər zaman mümkün olmasa da, allergenlə təması azaltmaq mümkündür.
Mütəxəssislər tövsiyə edir:
- Küləkli günlərdə pəncərələri bağlı saxlamaq;
- Evə qayıtdıqdan sonra üz, göz və saçları yumaq;
- Çöldə istifadə olunan geyimləri dəyişmək;
- Polen səviyyəsinin yüksək olduğu səhər saatlarında açıq havada az qalmaq;
- Evin müntəzəm təmizliyinə diqqət yetirmək.
Bu sadə tədbirlər allergik şikayətlərin azalmasına əhəmiyyətli dərəcədə kömək edə bilər.
İnteqrativ tibb allergiyaya necə yanaşır?
Müasir inteqrativ tibb yalnız simptomların aradan qaldırılmasına deyil, həm də orqanizmin ümumi uyğunlaşma və müdafiə imkanlarının gücləndirilməsinə diqqət yetirir. Bu baxımdan, ənənəvi müalicəyə əlavə olaraq, çoxkomponentli və çoxhədəfli biotənzimləyici preparat olan Adrisin®-in tətbiqi məqsədəuyğun hesab edilir. Preparat allergik reaksiyaların həm profilaktikasında, həm də kompleks müalicəsində istifadə olunur.
Adrisin® nə zaman qəbul edilməlidir?
Mütəxəssislər preparatın qəbuluna potensial allergenlərin çiçəkləmə dövründən 4–6 həftə əvvəl başlamağı tövsiyə edirlər. Bu yanaşma orqanizmin allergenlə qarşılaşmaya hazırlanmasına və mövsüm ərzində reaksiyaların daha yüngül keçməsinə kömək edə bilər.
Ən Çox Oxunanlar
Yeni Xəbərlər
