Gülben Ergenin gözəllik sirri - Yaşıl çayı üzünə çəkir
- 2026.04.23 18:18
- 114 Baxış
54 yaşına baxmayaraq hələ də gənc və parlaq dəriyə sahib olan Gülben Ergen, dəriyə qulluğundan danışıb.
Medicina.az xəbər verir ki, türk pop musiqisində sevilən bir ad olan Gülben Ergen, dəyişməz gözəlliyinin və parlaq dərisinin sirlərini bölüşüb.
Ergenin təbii maddələrə əsaslanan dəriyə qulluq proqramı bir çox qadına ilham verəcək kimi görünür.
Gülben Ergenin dəriyə qulluq qaydaları təbii bitki mənşəli maddələrə əsaslanır. Sənətçi, xüsusilə gül suyu və lavanda suyunun dərisinə möcüzəvi təsirlər göstərdiyini bildirir. Gül suyunun canlandırıcı və nəmləndirici xüsusiyyətlərindən faydalanan Ergen, bu məhsulu gündəlik dəri baxımı rutininin ayrılmaz bir hissəsinə çevirib. O, xüsusilə lavanda suyunu sızanaq problemləri üçün təsirli bir həll yolu kimi tövsiyə edir. Ergenin digər sevimli məhsulu gil maskasıdır. O, müntəzəm olaraq tətbiq etdiyi gil maskasının dərisini təmizlədiyini və mat görünüş verdiyini bildirir. Sənətçi həmçinin dəri serumlarından istifadənin vacibliyini vurğulayır və bu məhsulların dərisini qidalandırdığını və canlandırdığını deyir.
Gülben Ergenin dəri baxımı rutinindəki digər diqqətəlayiq məqam yaşıl çaydan istifadə etməsidir. Sənətçi hər gün müntəzəm olaraq yaşıl çay içdiyini və fincanın dibində qalan bir neçə damcı üzünə çəkdiyini açıqlayıb.
Ergen bu vərdişin dərisini canlandırdığını və parlaqlıq qatdığını, beləliklə yaşıl çayın antioksidan xüsusiyyətlərindən faydalandığını bildirir.
Bu sadə, lakin təsirli dəri baxımı üsulları bir çox qadına xoş gələ bilər.
Aygün
Medicina.az
Ən Çox Oxunanlar
Yeni Xəbərlər
