Günəbaxan tumu yaddaşı gücləndirir?
- 2025.05.05 12:12
- 167 Baxış
Günəbaxan tumları yemək beyin fəaliyyətini yaxşılaşdırmaq üçün çox faydalıdır.
“Medicina” xəbər verir ki, məşhur həkim Yelena Malışeva toxumların mərkəzi sinir sisteminin vəziyyəti üçün əhəmiyyətli faydalarına diqqət çəkib.
“Günəbaxan tumlarını “beyin qidası” hesab etmək olar, onların istehlakı beyində sinir əlaqələrinin formalaşmasını yaxşılaşdırır.
Beyin hüceyrələri arasında bu cür əlaqələrin çşoxluğu onların daha intensiv qarşılıqlı fəaliyyətinə, düşüncə proseslərinin keyfiyyətinin və yadda saxlama funksiyasının yaxşılaşmasına kömək edir.
Bu məhsulda sinir əlaqələrinin formalaşmasına kömək edən çoxlu B1 vitamini var. Beyin üçün toxumlar sözün əsl mənasında qidadır: onların istehlakı sinir hüceyrələri arasında əlaqəni təmin edir, əlaqələr isə yaddaşdır, öyrənmək qabiliyyətimizdir.
İmmunoloq Andrey Prodeus əlavə edib ki, B1 vitamini (tiamin) insanın intellektinin yüksəkliyinə cavabdeh olan əsas vitamindir. B1 vitamininin iştirakı ilə asetilkolin əmələ gəlir, bəzi hüceyrələrin başqaları ilə əlaqə saxlamasına imkan verir.
Zəngin tiamin mənbəyi olan günəbaxan toxumu beyin funksiyasını effektiv şəkildə dəstəkləyir”.
Həkimlər toxumların appendisitə səbəb ola biləcəyi fikrini yanlış adlandırıblar. Onlar yüksək keyfiyyətli, yad qoxusu olmayan iri toxumları yeməyi və soyuducuda saxlamağı məsləhət görüblər.
Mağazada satın alınan toxumlarda çox vaxt duz və əlavə ədviyyatlar çox olduğundan ürək sağlamlığına mənfi təsir göstərə bilər. Duzsuz toxumlar bədəni (B1 vitamini ilə yanaşı) E vitamini, maqnezium, zülal və çoxlu doymamış yağlarla təmin edə bilər ki, bu da pis xolesterinin (LDL) səviyyəsini və bununla da hipertoniya, infarkt və insult riskini azaldır.
Aygün Musayeva
Ən Çox Oxunanlar
Yeni Xəbərlər
