Hantavirusdan sonra indi də Norovirus - 1700-dən çox insan karantinə alındı
- 2026.05.13 23:27
- 145 Baxış
Hantavirusla bağlı narahatlıqlar bütün dünyada davam etsə də, ABŞ-dan gələn nəhəng bir kruiz gəmisində norovirus epidemiyası baş verib. Fransanın Bordo şəhərinə gələn kruiz gəmisində bir nəfərin ölümündən sonra 1700-dən çox insan karantinə alınıb.
Medicina.az xəbər verir ki, hantavirusla bağlı narahatlıqlar bütün dünyada davam etsə də, ABŞ-dan gələn nəhəng bir kruiz gəmisində norovirus panikası başlayıb. Fransanın Bordo şəhərinə gələn gəmidə bir sərnişinin ölümündən sonra 1700-dən çox insan karantinə alınıb.
ABŞ mediasının məlumatına görə, 28 apreldə yola düşən və Şimal-Qərb Atlantik Okeanında Dominikan Respublikasına gedən gəmidə 102 sərnişin və 13 heyət üzvü xəstələnib.
Fransanın Bordo şəhərinə çatdıqdan sonra kruiz gəmisi şübhəli virus halları səbəbindən geniş tədbirlər həyata keçirib. Hakimiyyət orqanları 1700-dən çox insanın karantinə alındığını açıqlayıb.
Gəmidə təmizləmə və dezinfeksiya işlərinin artırıldığı və xəstə sərnişinlərdən test üçün nəcis nümunələrinin toplandığı məlum olub.
Gəmidə ümumilikdə 3116 sərnişin və 1131 heyət üzvünün olduğu və epidemiyanın ABŞ Xəstəliklərə Nəzarət və Profilaktika Mərkəzlərinə deyildiyi bildirilib.
Mütəxəssislər mədə-bağırsaq sisteminə təsir edən norovirusun yüksək yoluxucu olduğunu qeyd edirlər. Virusun şiddətli qusma və ishala səbəb olduğu, ağır hallarda isə həyati təhlükə yarada biləcək susuzluğa gətirəcəyi bildirilir.
Həmçinin bəzi xəstələrin güclü qusma səbəbindən qabırğa sınıqlarından əziyyət çəkdiyi bildirilib.
Norovirusun yoluxmuş şəxslərin qusması və ya nəcisi, çirklənmiş qida, ortaq mətbəx avadanlığı və toxunulan səthlərlə təmas yolu ilə yayıla biləcəyi qeyd edilib.
Norovirus ürəkbulanma, qusma, ishal və qarın ağrısı kimi simptomlarla özünü göstərən yoluxucu bir virus kimi tanınır.
Aygün
Medicina.az
Ən Çox Oxunanlar
Yeni Xəbərlər
