Hər iki döşü kəsildi, amma təslim olmadı - FOTO
- 2026.02.21 13:29
- 302 Baxış
Türkiyədə Antalyada yaşayan Ecem Türkdoğana evliliyindən cəmi bir il sonra, 2020-ci ildə üçüncü mərhələli döş xərçəngi diaqnozu qoyuldu.
Xərçəng müalicəsinin sonsuzluğa təsiri səbəbindən embrion donduruldu.
Medicina.az xəbər verir ki, prof. Dr. Mustafa Özdoğan və komandası tərəfindən müalicə olunan Türkdoğan 8 kimyaterapiya və radioterapiya aldı. Bu müddət ərzində hər iki döş mastektomiya əməliyyatı ilə çıxarıldı.
Müalicə dayandırıldıqdan 3,5 il sonra dondurulmuş embrionlarla hamilə qalmağa çalışdı. Embrionlar köçürüldü, lakin hamiləlik baş vermədi. Analıqdan imtina etməyən Türkdoğan digər mütəxəssislərə müraciət etdi, lakin "Hamilə qalma ehtimalınız çox aşağıdır" cavabını aldı.
Buna baxmayaraq, Türkdoğan Antalya Təlim və Araşdırma Xəstəxanası Süni Mayalanma Mərkəzinə müraciət etdi və orada Mərkəzin rəhbəri Prof. Dr. Burak Karadağ və komandası tərəfindən müalicə edildi. Az sayda embrion əldə edildi. Lakin sonda hamilə qaldı və oğlu Canı dünyaya gətirdi.
Ana olan Türkdoğan deyib:
"Əvvəlcə mastektomiya istəmirdim. Süd verə bilməyəcək fikri məni qorxutdu. Amma həkimim dedi ki, "Əsas məsələ süd deyil, əvvəlcə sağalmaq lazımdır" və mən birbaşa xərçəng müalicəsinə diqqət yetirdim.
Süd verə bilməyən ana oldum, amma bunu problem kimi görmədim. Heç vaxt ümidimi itirmədim. İndi oğlum Can qucağımdadır".
Aygün
Medicina.az
Ən Çox Oxunanlar
Yeni Xəbərlər
