Hansı özəl klinikaya etibar edirsiz? - SORĞU

İnfarktın az bilinən simptomları - Bu əlamətlərə diqqət edin

  • 2025.07.05 10:00
  • 81 Baxış
İnfarktın az bilinən simptomları - Bu əlamətlərə diqqət edin

İnfarkt bütün dünyada ölümlərin əsas səbəblərindən biridir. Sinə ağrısı adətən ən çox bilinən simptom olsa da, bir çox hallarda sinə ağrısı ilk başda hiss olunmaya bilər.

Medicina.az infarktın az bilinən əlamətlərini təqdim edir:



DİRSƏK VƏ QOLDA AĞRI

İnfarktın əsas əlamətlərindən biri sol qolda ağrıdır. Lakin bəzən bu ağrı xüsusilə dirsək nahiyəsində və ya hətta sağ qolda hiss oluna bilər (baxmayaraq ki, sol qolda daha çox olur).

SOYUQ TƏR

Fiziki fəaliyyət və ya istilik olmadan meydana gələn soyuq tərlər, infarkt zamanı tez-tez göz ardı edilən əhəmiyyətli bir simptomdur. Bədən stress hormonları ifraz edir, bu da ani və nəmli tərləməyə səbəb olur. Bu tərləmə normal tərləmədən fərqlidir və tez-tez narahatlıq, ürəkbulanma və ya başgicəllənmə kimi simptomlarla müşayiət olunur. Sinə ağrısı olmasa belə, soyuq tər infarkt əlaməti ola bilər.

Bu vəziyyət ağrı, uyuşma kimi özünü göstərə bilər. Əzələ zədələnmələri nəticəsində yaranan ağrıdan fərqli olaraq, bu tip ağrılar adətən qəflətən baş verir, heç bir aşkar səbəbi yoxdur. Qola yuxarı və ya aşağı yayıla bilər.



DİŞ VƏ ÇƏNƏ AĞRILARI

Diş və ya çənə ağrısı xüsusilə qadınlarda infarktın gizli əlaməti ola bilər. Bunun səbəbi, ürəkdən gələn sinirlərin diş və çənədəki sinirlərlə ortaq yolları paylaşmasıdır. Ürək problemləri bu bölgələrdə ağrıya səbəb ola bilər.



YORĞUNLUQ VƏ ZƏİFLİK

Heç bir səbəb olmadan həddindən artıq yorğunluq və ya zəiflik hiss etmək, xüsusən də qadınlarda infarktın erkən əlamətidir. Bu yorğunluq normal istirahətlə keçmir və birdən baş verə bilər. Ürəyin zəifləmiş funksiyası əzələlərin və orqanların kifayət qədər oksigen almamasına səbəb olur, tükənmə hissi yaradır. Bu, infarktdan əvvəl günlər və ya həftələr davam edə bilər.
NƏFƏS DARLIĞI

Heç bir aşkar səbəb olmadan qəfil meydana gələn və ya pisləşən nəfəs darlığı ürək xəstəliyinin əlaməti ola bilər. Dərin nəfəs ala bilmədiyinizi və ya normaldan daha sürətli nəfəs aldığınızı hiss edə bilərsiniz.


Aygün
Medicina.az






Ən Çox Oxunanlar
Yeni Xəbərlər