İnsan bədənində "ikinci beyin" hardadır?
- 2023.06.16 22:33
- 1797 Baxış
Avstraliyalı alimlərin apardığı yeni araşdırma bağırsaqda bir növ sinir şablonunun mövcud ola biləcəyini sübut edib. Bu da canlılarda bağırsaq sisteminin beyindən əvvəl yaranmasının sübutudur.
“Medicina” xəbər verir ki, mütəxəssislərin sözlərinə görə, "bağırsaq sinir sistemi" mövcud olduğu üçün məməlilər yaşamaq uğrunda mübarizədə qalib gələ biliblər.
Bağırsağın bu "beyni" digər orqanlardan gələn məlumatları emal edir və xarici amillərin təsirindən asılı olaraq bağırsaq sisteminin davranışını dəyişdirir. Bağırsaqlar "düşünə" bilir və bunun sayəsində ətraf mühitə uyğunlaşır.
Tədqiqatın müəllifləri siçanlar üzərində apardıqları təcrübədən sonra bu qənaətə gəliblər. Gəmiricilərdə elektrik impulslarının köməyi ilə bağırsağın işini stimullaşdırdılar. Bir müddət sonra orqanizmin stimullara uyğunlaşa bildiyi məlum olub.
Əvvəlki elmi fərziyyə artıq bağırsaq sinir sisteminin məməlilərdə beyindən əvvəl formalaşan ilk orqan olduğunu irəli sürdü.
Bu nəzəriyyənin müəllifləri hesab edirlər ki, heyvanların əvvəlcə qida qəbulu və emalı üçün müəyyən mexanizm formalaşdırması onların bir növ kimi sağ qalmasını təmin edib.
Adətən, yaşlı insanlar özlərini yaxşı hiss etdiyi halda ciddi bir xəstəlik keçirdikdən sonra qəflətən aydın düşünmək qabiliyyətini itirirlər və halüsinasiyalara düşürlər. Bu da yaşlandıqca bağırsaqların normal işləmə qabiliyyətini itirdikdən sonra ən çox baş verən hallardan hesab olunur.
Günay Quluzadə
Ən Çox Oxunanlar
Yeni Xəbərlər
