Varşavada mandarinlərdə gizlədilmiş narkotik maddə qaçaqmalçılığı cəhdi edilib; lakin bunun qarşısı alınıb, 47 kq-dan çox marixuana müsadirə edilib.
Konservləşdirilmiş mandarinlərdə 2 milyon zlotidən çox dəyərində narkotik maddə tapılıb.
Medicina.az xəbər verir ki, Varşava Şopen Hava Limanında hüquq-mühafizə orqanlarının əməkdaşları konservləşdirilmiş mandarin qutularında daşınan 2 milyon zlotidən (470.000 avro) çox dəyərində 47 kiloqram marixuana aşkar ediblər.
Yük Taylanddan gəlib. Hüquq-mühafizə orqanlarının əməkdaşları qutulardan üçünü yoxlayıblar və hər birində bir torba qurudulmuş marixuana olub. Testlər nəticəsində onun marixuana olduğu məlum olub.
Polşa qanunvericiliyinə görə, külli miqdarda narkotik qaçaqmalçılığı 3 ildən 20 ilə qədər həbs cəzası ilə nəticələnir.
Aygün Musayeva