Narda ürəyi qoruyan maddə var – Bol yeyin
- 2026.02.25 08:23
- 131 Baxış
Narın tərkib hissəsi olan Punicalagin ürək-damar və metabolik xəstəliklərin artması riski ilə əlaqəli maddələrin əmələ gəlməsini azalda bilər.
Medicina.az xəbər verir ki,bu, Quadram Qidalanma və Sağlamlıq Tədqiqatları İnstitutunun (Böyük Britaniya) alimlərinin gəldiyi nəticədir.
Punikalagin nar şirəsində və qabığında, eləcə də gül kimi digər bitkilərdə olan polifenoldur.
O, antioksidant kimi fəaliyyət göstərir və hüceyrələri zərərli təsirlərdən və toksinlərdən qoruyur.
İnsan bağırsağının laboratoriya modelində tədqiqatçılar göstərdilər ki, punikalagin L-karnitindən trimetilamin (TMA) əmələ gəlməsini demək olar ki, tamamilə bloklayır.
Bu proses vacib hesab olunur, çünki TMA qaraciyərdə əvvəllər ateroskleroz, diabet və ölüm hallarının artması ilə əlaqəli olan molekula çevrilir.
Alimlər nar ekstraktının müxtəlif komponentlərinin, o cümlədən digər polifenolların, onların metabolitlərinin və köməkçi maddələrin təsirlərini müqayisə etdilər.
Məlum oldu ki, yalnız punikalagin L-karnitinin TMA-ya mikrob çevrilməsinə əhəmiyyətli dərəcədə inhibitor təsir göstərir. Nar ekstraktının özü də bu prosesi tamamilə blokladı.
Müəlliflər vurğulayır ki, bu, eksperimental modeldir və insanlarda təsirin birbaşa sübutu deyil. Buna baxmayaraq, əldə edilən məlumatlar punicalaginin ürək və metabolik xəstəliklər riskini azaltmaq üçün pəhriz və ya profilaktik strategiyalarda istifadə edilə bilən perspektivli təbii birləşmə olduğunu göstərir.
Aygün Musayeva
Ən Çox Oxunanlar
Yeni Xəbərlər
