Portağalda kifayət qədər C vitamini varmı?
- 2026.04.30 16:36
- 115 Baxış
Bir çox insan portağalın ən yaxşı C vitamini mənbələrindən biri olduğunu düşünür, bəs bu, həqiqətən doğrudurmu?
Medicina.az xəbər verir ki, C vitamini və ya L-askorbin turşusu, balanslı qidalanmanın vacib hissəsi olan suda həll olan bir vitamindir.
C vitamini həyati bir qida maddəsidir: immun sisteminin funksiyası, toxumaların sağalması, kollagen əmələ gəlməsi, sümük və qığırdaqların qorunması və optimal dəmir udulması da daxil olmaqla, bədəndəki çoxsaylı funksiyalardan məsuldur. Bundan əlavə, C vitamini bədənin əsas suda həll olan antioksidanıdır və zərərli sərbəst radikalların neytrallaşdırılmasında mühüm rol oynayır.
O, həmçinin bədəndəki E vitamini və qlütation kimi digər antioksidantların bərpasına kömək edir. Tədqiqatlar həmçinin göstərir ki, kifayət qədər C vitamini qəbul etmək yaddaş və idrak funksiyasını dəstəkləməyə kömək edir.
Gündəlik nə qədər C vitamininə ehtiyacımız var?
Bu vitamin üçün tövsiyə olunan pəhriz norması yaşdan və cinsdən asılı olaraq dəyişir.
19 yaş və yuxarı yetkin kişilər gündə 90 mq C vitamini qəbul etməlidirlər.
Yetkin qadınların gündə ən azı 75 mq C vitamini qəbul etməsi lazımdır.
Hamilə qadınların gündə ən azı 85 mq C vitamini qəbul etməsi vacibdir.
Əmizdirən anaların gündə ən azı 120 mq C vitamini qəbul etməsi lazımdır.
Food News-a görə, bir orta ölçülü portağalda təxminən 68 milliqram vitamin var - bu, yüksək miqdardan çox uzaqdır. C vitamini konsentrasiyasının xeyli yüksək olduğu qidalara aserola albalısı, itburnu, çili bibəri və qırmızı bolqar bibəri daxildir. Qreypfrut, kivi və bolqar bibəri də portağallarla təxminən eyni miqdarda vitamin ehtiva edir. Brokkoli, çiyələk və kələm bir qədər az miqdarda vitamin tərkiblidir.
C vitamini soyuqdəymədən qorumur, lakin sağalmağa kömək edir.
Aygün Musayeva
Ən Çox Oxunanlar
Yeni Xəbərlər
