Qadın özünü 16 yaşlı kimi qələmə verib – Məktəbə yazılıb
- 2026.05.08 21:27
- 229 Baxış
Nyu-Yorklu bir qadın 16 yaşlı qız kimi davranaraq məktəbə yazdığına görə həbs edilib.
Medicina.az xəbər verir ki, 28 yaşlı Keysi Klaassen aprel ayında 2010-cu il təvəllüdlü Şamara Rəşad kimi davranaraq Westchester Square Akademiyasına qəbul olub.
Fırıldaqçı iddia edib ki, bu yaxınlarda bacısı ilə birlikdə Ohayodan Nyu-Yorka köçüb. O, tələbə bileti alıb və iki həftə dərslərdə iştirak edib. Lakin məktəb direktoru şübhələnib və yeni şagirdi yoxlamaq qərarına gəlib. O, sosial mediada axtarış aparmağa başlayıb və tezliklə Klaassenin profilini aşkar edib. Məlum olub ki, o, 1997-ci ildə anadan olub və bir qızı var.
27 apreldə o, həbs edilib. Məlum oldu ki, o, cinayəti gözlənilməz bir səbəbdən törədib: məktəbinin təklif etdiyi güzəşt və üstünlüklərdən yararlanmaq istəyib. Məsələn, Nyu-York şəhərində şagirdlər ictimai nəqliyyatdan pulsuz istifadə edir, yeməklə təmin olunur, məktəb üçün noutbuk və planşet, eləcə də mobil telefon alırlar. Bundan əlavə, Klaassen sosial müavinət almaq istəyirdi.
Amerikalı qadın uşaqların rifahını təhlükəyə atmaqda, məktəb ərazisinə qanunsuz daxil olmaqda və başqasının adını çəkməkdə ittiham olunur.
Aygün Musayeva
Ən Çox Oxunanlar
Yeni Xəbərlər
