Qəhvəni bu şəkildə içənlər daha sürətli yağ yandırır: Mütəxəssislərin izahı
- 2026.05.12 22:01
- 329 Baxış
Həyat tərzi tibb mütəxəssisi şəkərsiz qara qəhvənin maddələr mübadiləsini sürətləndirə və yağ yandırılmasını dəstəkləyə biləcəyini açıqladı. Mütəxəssislərin fikrincə, müntəzəm və düzgün qəhvə istehlakı, xüsusən də qarın ətrafındakı iç orqan yağlarının azaldılmasına kömək edər.
Medicina.az xəbər verir ki, mütəxəssislər ürək xəstəliklərindən 2-ci tip diabetə qədər bir çox xroniki xəstəliklərin səbəbi olan iç orqan yağlanmasına qarşı "sadə" bir formula hazırladılar.
Böyük Britaniyada yaşayan həyat tərzi tibb mütəxəssisi Dr. Sohaib İmtiaz, Verywell Health-ə verdiyi açıqlamada qəhvə vərdişlərinizdə kiçik bir dəyişikliyin vacib olduğunu vurğuladı.
Dr. İmtiazın sözlərinə görə, südlü və şəkərli seçimlər əvəzinə şəkərsiz qara qəhvə istehlak etmək bədənin yağ yandırma mexanizmlərini aktivləşdirir və bu təhlükəli yağ növü ilə mübarizə aparır.
Şəkərsiz qara qəhvənin bədəndə yaratdığı dəyişikliklər bunlardır:
Yağı yanacağa çevirir
Kofein bədəndə yağın parçalanma prosesini birbaşa sürətləndirir. Qanda epinefrin səviyyəsini artırır və yağ hüceyrələrinə siqnallar göndərir. Bu parçalanmış yağ molekulları saxlanılmaq əvəzinə, enerji kimi istifadə olunur. Bu, bədəndə daha az yağ yığılması deməkdir.
Qan şəkərinə nəzarət
Qəhvədəki xlorogen turşusu güclü antioksidant və iltihab əleyhinə təsir göstərir və bədənin şəkəri daha səmərəli şəkildə emal etməsinə kömək edir. Qan şəkəri balanslaşdırıldıqda, artıq şəkərin qarın nahiyəsində yağ kimi saxlanılma riski də azalır.
Fiziki performansın artması
Sadə qəhvə məşq üçün lazım olan enerjini artırır və daha davamlı məşq etməyə imkan verir. Bu, daha çox kalori yandırılmasına və daha sürətli metabolizmaya səbəb olur. Lakin, qəhvənin diüretik təsiri səbəbindən məşq zamanı bol su içməyi laqeyd yanaşmamalısınız.
Aşağı kalorili üstünlük
Yüksək kalorili qazlı içkilər və ya şəkərli meyvə şirələri əvəzinə sadə qəhvə seçmək gündəlik kalori qəbulunu əhəmiyyətli dərəcədə azaldır. Bu sadə əvəzetmə davamlı yağ itkisi üçün ən vacib amillərdən biri hesab olunur.
Gündəlik nə qədər istehlak etməlisiniz?
ABŞ Qida və Dərman Administrasiyasının (FDA) məlumatına görə, sağlam yetkinlər üçün təhlükəsiz limit gündə təxminən 400 mq kofeindir. Bu, orta hesabla 3-4 stəkan adi dəmlənmiş qəhvəyə bərabərdir.
Hamilə qadınlar, kofeinə qarşı həssas olanlar, yuxusuzluq, ürək-damar xəstəlikləri və ya yüksək təzyiqdən əziyyət çəkənlər qəhvə istehlakını məhdudlaşdırmalı və müntəzəm olaraq qəbul etməzdən əvvəl həkimə müraciət etməlidirlər.
Aygün
Medicina.az
Ən Çox Oxunanlar
Yeni Xəbərlər
