Xəbərlər
Xəbərlər
Sevgilisi ilə birlikdə 6 yaşlı oğluna işgəncə edən anaya - hökm oxundu

Sevgilisi ilə birlikdə 6 yaşlı oğluna işgəncə edən anaya - hökm oxundu

2026.02.05 16:15
96 Baxış

Bakıda ana sevgilisi ilə birgə 6 yaşlı oğluna işgəncə verməkdə təqsirləndirilərək həbs edilib.

Medicina.az xəbər verir ki, bu barədə "Unikal"a zərərçəkmiş şəxsin vəkili Binyamin Cumayev məlumat verib.

Onun sözlərinə görə, artıq Yasamal Rayon Məhkəməsi tərəfindən təqsirləndirilən şəxslərdən - Mereuta Nina Feodorovna 1 ay və onunla qeyri-rəsmi yaşadığı Ələkbərli Ayxan Firdovsi oğlu barəsində isə 2 aylıq həbs qətimkan tədbiri seçilib:

"Mereuta Nina Feodorovna 2024-cü ilin iyun ayının ortalarından 2025-ci ilin sentyabr ayının 6-sı saat 12:10-dək olan müddət ərzində paytaxtın Yasamal rayonunda yerləşən mənzildə qeyri-rəsmi yaşadığı Ələkbərli Ayxan Firdovsi oğlu ilə qabaqcadan əlbir olan bir qrup şəxs halında özü və Ramin Ramizoğlu ilə birgə nikahdan olan 23.01.2020-ci il əvəllüdlü azyaşlı övladı A.A-nı mütəmadi olaraq bədəninin müxtəlif fnahiyələrinə vurub, qaranlıq hamam otağına salıb fiziki ağrı və psixi iztirablar verməklə döyüblər.

Vəkilin sözlərinə görə, daha sonra sonuncu dəfə 06.09.2025-ci il tarixdə həmin ünvanda azyaşlının bədəninə bel kəməri və çəkiclə bir neçə dəfə vurub fiziki ağrı yetiriblər:

“Keçirilmiş ekspertizaların nəticəsinə əsasən köməksiz vəziyyətdə olan azyaşlı A.A-nın travmadan sonra stress pozuntusu, sağ diz oynağı nahiyəsinin yumşaq toxumalarının əzilmiş yarası və sıyrığı ilə əlaqədar diz oynağında hərəkət funksiyasının nisbi pozulması, sol diz oynağı nahiyəsinin qançırları ilə müşayiət olunan, küt əşyanın təsirindən əmələ gəlmiş, dərəcəsinə görə sağlamlığın qısa müddətə pozulmasına səbəb olub".

Vəkil B.Cumayev onu da qeyd edib ki, hər iki təqsirləndirilən şəxsə qarşı Cinayət Məcəlləsinin 133.2.3-cü (əzab vermə - bir qrup şəxs, qabaqcadan əlbir olan bir qrup şəxs, mütəşəkkil dəstə və ya cinayətkar birlik (təşkilat) tərəfindən törədildikdə), 133.2.4-cü (əzab vermə - təqsirkar şəxs üçün aşkar surətdə yetkinlik yaşına çatmayan, habelə köməksiz vəziyyətdə olan şəxsə qarşı törədildikdə) və 133.2.5-ci (zərərçəkmiş şəxsin xidməti vəzifəsini və ya ictimai borcunu yerinə yetirməsi ilə əlaqədar onun özü və ya yaxın qohumlarına qarşı törədildikdə) maddələri ilə ittiham irəli sürülüb.

medicina.az

<center>

<iframe name="bakupost" src="https://www.bakupost.az/banner1" width="100%" height="85" frameborder="0" scrolling="no" align="center"></iframe>

 
<div id="DivID"></div>

<br />
<div style="display:flex;justify-content:space-between">

<iframe src="https://bakupost.az/extra/bt/index.php?v=6" width="300" height="250" scrolling="no"></iframe>

<ins class="4990e8f14da40f98547337c624b3df6c" data-token="612-1368-36-1116-36" data-index="38" data-width="300" data-height="250"><script>!function(e,t){if(!t.getElementById("4990e8f14da40f98547337c624b3df6c")){let e=t.createElement("script");e.src="//statistics.asan.al/js/v1.js?version="+Date.now();let d=t.getElementsByTagName("head");e.setAttribute("id","4990e8f14da40f98547337c624b3df6c"),e.async=!0,((d?d[0]:null)||t.body).appendChild(e)}}(window,document);</script></ins>
</div>
<br /></center>