Sığorta ilə MRT və KT-dən necə keçək? - TƏBİB-dən açıqlama

  • 2023.02.24 17:41
  • 4406 Baxış
Sığorta ilə MRT və KT-dən necə keçək?   - TƏBİB-dən açıqlama


“İcbari tibbi sığorta çərçivəsində həkim göndərişi olmadan MRT və KT müayinəsindən istifadə edə bilməzlər”.

"Medicina" xəbər verir ki, TƏBİB-in Tibbi sığorta departamentinin rəhbəri Səbinə Quliyeva insanların MRT və KT-ə axınından danışıb.

"MRT (maqnit-rezonans tomoqrafiyası) və KT (kompüter tomoqrafiyası) müayinəsi üçün vətəndaşlar ixtisaslı həkimə müraciət etməlidirlər:

“Vətəndaş özbaşına müayinə üçün yaxınlaşdıqda diaqnostika aparılacaq nahiyə, eyni zamanda həkim üçün ilkin məlumat olmadığına görə bu mümkün deyil. Buna görə vətəndaş ilk olaraq ixtisaslı həkimə müraciət edərək göndəriş almalıdır”.

Səbinə Quliyeva qeyd edib ki, özəl tibb müəssisələrinə ən çox radioloji xidmətlər, MRT, KT müayinələri, dar ixtisaslı həkimlər üçün göndərişlər verilir:

“Bununla yanaşı, neyrocərrahlara, ürək-damar cərrahiyyəsi, travmatoloji müayinələr və s. xidmətlərdən yararlanmaq üçün vətəndaşlara özəl tibb müəssisələrinə göndəriş vərəqələri verilir. İcbari Tibbi Sığorta vətəndaşlara həm yüksək səviyyədə, həm də əlçatan xidmət etmək üçün özəl tibb müəssisələri ilə mütəmadi olaraq müqavilə bağlayır”.

Aygün Musayeva