Təbiətin qızıl resepti: Novruzçiçəyi yağı haqqında bilməli olduqlarınız
- 2026.04.16 20:41
- 396 Baxış
Əsrlər boyu ənənəvi tibbdə istifadə edilən novruzçiçəyi yağı indi müasir tədqiqatların mərkəzinə çevrilib.
Medicina.az bildirir ki, zəngin tərkib hissələri sayəsində həm sağlamlıq, həm də kosmetika sahəsində geniş istifadə imkanları təklif edir.
Axşamlar çiçək açan sarı çiçəkləri ilə tanınan bitkinin toxumlarından əldə edilən bu yağ, xüsusilə qadın sağlamlığı üçün faydalıdır.
Novruzçiçəyi yağının bəzi faydaları bunlardır:
Novruzçiçəyi yağının ən çox diqqət çəkdiyi sahələrdən biri hormonal balansdır. Araşdırmalar göstərir ki, bu yağın müntəzəm istifadəsi, menstruasiyadan əvvəl yaşanan qıcıqlanma, şişkinlik və həssaslıq kimi simptomları aradan qaldırır. İstilənmə və gecə tərləməsi kimi simptomları minimuma endirməyə kömək edir.
İltihab əleyhinə xüsusiyyətləri sayəsində qaşınma və qızartını sakitləşdirərkən dərinin nəm baryerini bərpa edir.
Hormonal balanssızlıqdan qaynaqlanan sızanaq əmələ gəlməsini içəridən xaricə nəzarət edir və dəri elastikliyini artıraraq yaşlanma əlamətlərini gecikdirir.
İltihab əleyhinə gücü novruzgülü yağını oynaq ağrısından əziyyət çəkənlər üçün məşhur bir əlavə halına gətirib.
Xüsusilə revmatoid artrit xəstələrində səhər sərtliyini və oynaq şişkinliyini azaltdığına dair dəlillər var. Həmçinin xolesterol səviyyələrini balanslaşdıraraq ürək-damar sağlamlığını dəstəklədiyi və diabetik sinir zədələnməsinin simptomlarını yüngülləşdirə biləcəyi bildirilir.
QEYD: Təbii bir məhsul olsa da, mütəxəssislər novruzgülü yağının istifadəsində ehtiyatlı olmağın vacibliyini vurğulayırlar. Qan durulaşdırıcı dərman qəbul edən şəxslər, hamilə qadınlar və ya epilepsiyası olanlar bu yağı istifadə etməzdən əvvəl həkimə müraciət etməlidirlər.
Aygün
Medicina.az
Ən Çox Oxunanlar
Yeni Xəbərlər
